مشكلتي...ما اشكي ..

السلام عليكم ورحمة الله وبركاته
ما أدري وش أكتب لكم ... عندي كلام كثير ...دنياي مليانة مشاااااكل زي ما دنياكم مليانة مشاكل ...
بس المشكلة عمري ما شكيت...من ولادتي إلى اليوم تعرضت للظلم من أقرب الناااس ..وهي أختي ....وما شكيت حتى لامي..غلطت علي وظلمتني ولا زالت!
شوهت سمعتي قدام الناس!
شوهت سمعتي !
و شوهت سمعتي !
...
بس ما قدرت اشكي ولا أكذبها حتى عند أهي...ما أدري ليه ؟؟أنا كذا ما اشكي كانها هي الصح....ولاني اتخيل ان فيه اخت تسوي لاختها كذا...
بس ما اقدر اسامحها...لانها استغلت كوني ساكته ...وما اشكي ..واللحين نفس المشكلة تواجهني اني ما اشكي ..تصير بيني وبين زوجي مشاااكل توصل للطلاق دااااايم بس عمري ما شكيت لاهلي دايم ابين لهم اني سعيدة...مستحيل يجي في بالهم ان بيني وبينه مشاااااكل....اشوف خواتي يشكون لعض احيانا ً أحسهم ما شافو من الدنيا شي ...لو تدرون كيف عايشة حياتي تستغربون ! احس مشاكلهم ولا شي عند مشاكلي ...
بس كل هذا اثر علي كوني ما اشكي خلاني حزينة مع نفسي ودوم الدمعة على خدي الا عند الناس ما ابين هذا الشي ...المشكلة اذا صارت بيني وبين زوجي مشكلة يقول اكيد اهلك معبين راسك !!!!!
يالله اذا قال كذا تنزل دمعتي من عيني على طول ...انا لواشكي ارحم لي من اللي انا فيه ...لو اشكي ما جلست عندك . وهنا المشكلة دايم افكر بالطلاق بس اهلي بيستغربون لان الظاهر على حياتي السعادة وما عمري شكيت ...ما عمري ذكرت لاهلي صفاته الشينة ابد ابد ...ما اقدر انا كذا ...بنات حواء وش رايكم بعد اللي قريتوه هل هذي الصفة حميدة ؟؟؟
وكيف لو حصل وتركت زوجي لان المشاكل بينا واصلة حدها...خايفة من ردت فعل الناس يحسبونه تاركني وانا اللي تاركته ........