مشكلتين شاغلين بالي ياريت تساعدوني

بسم الله الرحمن الرحيم
اخواتي مالي بعد الله غيركم اول مشكله ممكن تلاقوها سخيفه وعاديه وتصير لاغلبكم بس من جد انا مازمتني كثير لدرجه اقعد ابكي باللليل ساعات منها وهي زوجي الله يهديه مهمل جدا بسالفه الجوال يعني اذا هو بالعمل اوعند اصحابه واتصل عليه مايرد حتي لو امه او اي احد من اهله دق مايرد يعني مهمل بقوة وهالشي ازمني كثير لانه صرنا نتخانق بسبب هالشي ومره مرض الصغير وجلست اتصل وانا ابكي وهو كالعاده مايرد واتصلت لاخوي بيته يبعد عني نص ساعه عشان يجي يودي ولدي المستشفي وزوجي كان ببيت صاحبه يبعد عن بيتنا 10 دقايق تخيلو ماعرفت كيف اتصرف وصرت اصيح مثل المجنونه ابي حل عشان يتادب ويرد علي الجوووال لاني تعبت بعض الاحيان ابي يرد لانه في موضوع مهم وهو ولا فارقه معاااه لدرجه انه اختي قالت لي اذا اتصلتي ولا رد ازعلي وخلي اخوي يجيبك بيتنا ولا ترجعين له الا اذا وعدك يتادب ويرد ولا ادري حلها صحيح او لا
والمشكله الثانيه امس اخوي قالها لي ومن جد ماعرفت وش ارد عليه زاد همي هم اخوي عمره 32 متزوج من 5 شهور تقريبا وزوجته عمرها 28يعني حرمه وعاقله وفاهمه يقول لي من كم يوم كانت تتحمم وماادري كيف مسكت جوالها مو بقصد التفتيش بس ابي اشوف الصور الي صورتهم لما كنا مسافرين وكان في احد يرسل علي الواتس اب حقها جااه فضول وفتحه طلع مكتوب علي الرقم عمي وهو الي كان يسولف معها ولد عمها ويمزح بشكل ثقيل من كلامه حسب ماقال لي اخوي هااااا خلاص تزوجتي كبر راسك تري انا مو عمك انا فلان ولد عمك والا نسيتيني بعد وضحكه يوم قال لزوجته قالت له هذا يمزح ومثل اخوي ولا تحط ببالك ومشي الموقف ويقول الموقف الي صار بعدها بكم يوم وهو الي خلاه يشك فيها كان موديها بيت صديقتها المهم قال لها برجع لك بعد ساعتين وقالت اوكي رجع ويدق عليها جوالها ماترد بعدين دق جرس بيت صديقتها وطلع زوج صاحبتها قال لاخوي حرمتي مو هنا بالسوق قال له بس حرمتي عندكم قال ايه جاات بس الظاهر بعدين مشت او يمكن طلعت مع زوجتي السوق ماادري لانه وداهم السواق وقعد يستني اخوي ممكن نص ساعه وبعدين اتصلت له قال لها وينك تبهذلت قالت رحت السوق مع صديقتي قال لها طيب خلاص تعالي ونتفاهم قالت له انا بالمجمع الفلاني تعال خذني قال لها طيب ارجعي مع صديقتك بيتها وانا استناك تبهذلت وقالت لا صديقتي مشت بتروح بيت اهلها ةتركتني لحالي تعال خذني ولما راح اخذها طبعا طول السياره ساكتين قال بالبيت نتفاهم وخشو البيت وخانقها كيف تطلعين بدون اذني وعيب ومن هالكلام ويقول بعدين انتبهت انها حاطه مكياج غااامق وحمره فاقعه ماكانت حاطتها لما وديتها وحتي لبسها غير قال لها كيف لبسك تغير قالت له بدلت عند صديقتي قال لها ليش قالت عجبها قميصي وقالت بتلبسه وعطيتها اياه وعطتني ثوب من عندها والثوب كان احمر وقصير شويات واخوي من يومها حالته حاله ياقلبي عليه يقول ماقدرت مااخبر احد قلت افضفض لك وثانيا رصيدها يعبي لها ب50 يخلص بيومين واذا سالها قالت اكلم امي والسجل دايم ممسوح واذا خانقها تبكي وتقول حرام تشك فيني انا بنت ناس وكذا ودايم تعطي اعذار سخيفه مثلا كلمت امي بال50 كان عندهم مشكله طيب ليه السجل ممسوح تقول جوالي خربان يمسح السجل لحاله طيب كلمي امك بشوف كلمتها او لا تقول لا بعدين تقول اني علمتك وش يصير ببيتنا اخوي من جد بيجن وانا صراحه ماافدته بشي قلت له والله ماادري ولا ودي اظلم البنت هي قريبتنا من بعيد وامها صاحبه امي وامي تمدحهم وسالنا عنهم وقالو خوووش عايله ماادري هل شك اخوي بمحله او هو ظالمها مع العلم دايم تزن عليه ودني لصاحبتي بس هو من ذاك اليوم عيا يوديها قال لها مافي حدك بيت اهلك ياريت تساعدوني والله راسي بينفجر من التفكير والهم هو علي زوجي وهو علي اخوي يارب رحمتك

واشكر كل من بترد علي بكلمه تريح بالي وبال اخوي ويارب يحقق امنياتها ويرزقها الجنه