مشكلتين صارت مع زوجي ورايكم يهمني انتظركم

السلام عليكم ورحمة الله وبركاته
قبل ابدا موضوعي احب اوضح لكم ان جميع الاراء تهمني فارجو منكم اللي تدخل تكتب رايها عن الموضوع بكل امانه ...  وتقولون مين الغلطان فينا انا والا هو ومين اللي معاه الحق 




اول شي حصلت مشكلة امس العصر ووصلت لدرجة الضرب والاهانه والسبب  هوو 




انا عندي في جوالي جلكسي محملة البن ومن ضمن جهات الاتصال فيه وحده من زميلاتي كاتبها اسمها في مكان التوبيك في الببي اسم رجال والاسم هذا لاهو اسم زوجها ولا اسم احد من عيالها ولاحتى اخوانها كذا اسم فلان الفلاني المهم عشان الحرمة ماتعرف تغير التوبيك مدري هو مارضي يتغير لها المهم انا ماسالتها ولكن يوم شفت توبيكها كذا رحت وغيرته من جوالي كلكم اكيد فهمتو قصدي يعني غيرت اسمها من جوالي  وسميت اسمها والكلام هذا له فترة المهم قبل امس اخذ زوجي الجوال وجلس يقلب ويقرا فيه وهي عاده بيننا وحتى انا اخذ جواله واقرا فيه يعني الوضع عادي لكن هو دخل على الببي ومدري وش اللي خلاه يسوي تحرير للاسماء اللي بجهات اتصال الببي حتى وصل عند اسم الحرمة هاذي ويوم رجع الاسم الافتراضي طلع اسم الرجال اللي هي مخزنته اول شك فيني وثار حاولت افهمه اعلمه يمين شمال مافي فايده اتصلت على الحرمة وخليته يسمعها وهي تقول اني انا حطيت اسم الرجال وكمان ماصدقني يقول ليه تخليني اكتشف الشي بنفسي ليه ماعلمتيني بالموضوع طبعا حصلت مشكلة وصار اللي صار 


سؤالي هنا هل يحق له يشك فيني ؟؟؟؟؟؟؟





مع العلم اني قلت له ليه تشك فيني قال انا مااشك فيك انتي تحطين نفسك بمكان الشك ........ 

الموضوع الثاني حصل برمضان 

هو سامح لي ادخل تويتر ولكن عنده كم نقطه قالها لي وقال اذا وافقتي عليها اسمح لك تدخلين تويتر عادي 
واذا مابتوافقين لاتدخلين قلت طيب قول المهم 
اول شي قال لي ماتسوين اعادة تغريد لاي رجال في تويتر مهما كان السبب !!!
والشي الثاني قال لي لو يجيك اي واحد من الشباب وتشوفين يقول انا كفرت بالله ماتردين عليه ولاتقولين له اتق الله وارجع لربك ماعليك مته طبعا هو قال لي. كذا يبغى يبين لي انه مهما كان السبب حتى لو يخص الدين او شي فيه حياة وموت مااكتب ولا ارد على رجال في تويتر 
اللي صار اني فيه تغريدات عجبتني وسويت انا لها اعادات تغريد 
ورحت كتبت لحساب في تويتر سالته سوال يخص عملي مع العلم انه الحساب اللي انا راسلت له يختص بعملي وزوجي مايدخل حسابي دايمن ولكن هالمرة برمضان دخل على ملفي ولقي سوالي للشخص هذا ولقى اعادات التغريد 
وراح حذف لي حسابي بتويتر ومنعني من دخوله هل له حق يمنعني من دخول تويتر وهل اللي انا عملته يعتبر غلط بالمشكلتين معاد ادري مين الغلطان اتمنى منكم تعطوني ارائكم وان شاء الله ينحل الموضوع على خير