مشكلتين مسببين لي قلق بحياتي انصحوني

السلام عليكم ورحمه الله وبركاته
مشكله تخص اخت من العضوات معانا بالمنتدي
يابنات انا عندي مشكلتين وان شاء الله مو صعبين وابي النصح منكم لوجه الله اعتبروني اختكم وانصحوني لانه مره مشتته
اول مشكله انا من فتره تقريبا شهرين طلع لي ورث قديم من عند جدي المبلغ 59 الف فقط وحطيتهم بالبنك وشي طبيعي زوجي درا عن الموضوع لاني وكلته هو يروح للمحكمه وسالفه الورث وكذا وهو ماقصر وكريم مره معاي وحياتنا مستقره بس الحين صار له أسبوعين يزن ويلمح انه سيارته كبيره ومزعجه ويبي له سياره صغيره ومحتاج 25 الف ريال وبعض الأحيان يقول لي وش رايك نسافر نغير جو تركيا او ماليزيا انا بدفع نص وانتي نص وبعض الأحيان يقول يبي يرمم البيت وبياخذ مني فلوس احسه يبي باي طريقه يأخذ من عندي مبلغ وانا محتاره هل اطاوعه او اروح اشتري لي بالمبلغ ذهب او أقول له سلفته اخوي ماادري كيف اصرفه او اعطيه
المشكله الثانيه اختي صار لها 10 سنين متزوجه وربي مارزقها أطفال وانا عندي ولد وبنت وصار لي فتره اشرب حبوب منع الحمل ووقفتها من سنه عشان احمل ولا حملت وصار عندي بعض المشاكل الي اتعالج عنها حاليا والله يرزقني يارب بس اختي مو مقتنعه دايم تفكرني اكذب عليها او خايفه انها تحسدني ومن يزيد وزني لو كيلو قالت حامل وتشوفني تعبانه قالت حامل اكيد مخبيه وشهريا تسال ها جاتك الدورة لدرجه والله صارت تعرف مواعيد دورتي قبل لا تجي وتعلمني متي بتجي واي يوم وانا هالشي مره مضايقني ومو عارفه وش اسوي معاها وهذي اختي ماابي اخسرها واحبها وهي طيبه مره بس هذي مشكلتها تدقيقها الزايد علي بسالفه الحمل
فياريت تنصحوني وش اسوي مع هالمشكلتين وربي راسي يوجعني من التفكير حتي لو تشوفون الشي سخيف بس مسبب لي قلق