مشكلتي

السلام عليكم
لو العيشة استحالت بين الزوجين عدم تفاهم لابعد الحدود ومشاكل مالها اول ولا تاني وكره وبغض بين الزوجين وعدم ثقة من الزوجة لزوجها يعني لو بغى الحرام مافي شي يرده لانه اصلا ما يخاف الله ولايصلي وزوج متحكم ومسيطر لدرجة بعيدة يعني حتى في اللقمة يتحكم وفي توافه الامور وانتقادي بشكل ما ينتقد الاشياء الغلط لا اي شي ما يجي معاه حتى لو صح ينتقد ويزعل وزعول يمكن من شي تافه يسيب البيت بالايام
ومايصرف اللهم كل شهر يجيب كرتون دجاج وتلاتة علب تونة وقشطة وجبن وبيض
مانعرف اللحم ولا الاسماك ولا الخضار ولا ولا
مو لانه مسكين على قده لا راتبه كويس ماشاءالله ويقدر يفتح بيه بيتين
مصروف ليا او ملابس او خروج او او مافي
فرش اثاث مرة مافي
مو اقصد اثاث فخم وكدا
لا ابسط الامور ماعندي سرير ولا دولاب ولا ولا
واحنا والعيال ننام في غرفة وحدة
وانا كرهته خلاص وكرهت العيشة معاه وودي في الطلاق بي اهلي رافضين قالو لو اتطلقتي عيالك لا يجوو معاكي بيتنا مو ملجأ دا كلام ابويا
وابويا وامي قالو لو اتطلقتي والله راح نخليكي زي الشغالة ووووووو
وفي نفس الوقت قالو مافي شغل لو اتطلقتي
ولا نسمحلك تعيشي لوحدك مع عيالك
زي دا الزوج لو مافي امل اتطلق منه والعيشة معاه صعبة صعبة اقدر اطلب منه يتزوج ممكن ارتاح منه
وهل الي زيه لو شفته مبسوط مع زوجته راح انقهر انا
علما لو اتزوج ما راح اقعد حاطة رجل على رجل
لا راح اكمل دراسات عليا وافتحلي مشروع صغير اتكسب منه
والحاجتين ديه طالما هوا معايا راح يمنعني منها
او اكون خايفة لا في اي لحظة يحرمني منها