مشكلتي😭😭

السلام عليكم ورحمه الله وبركاته
بنات قبل لا ادخل بالموضوع بقول لكم عن زوجي علشان ما اظلمه زوجي حليل وطيب معاي ومايقصر بأغراض البيت
طبعاً امس جاء للبيت وقال لي تعالي للغرفه وانا اجي وهو يقول لي انا بصارحك بموضوع قلت خير ان شاء الله وهو يسكت وانا اقول له قل وش فيك وهو يسكت وانا استغرب من سكوته طبعا ماعمره يسوي كذا ووجهه تغير وحسيت الموضوع مو زين وانا اقول له قل وش فيك خرعتني وهو يقول لي انا بصراحه بتزوج عليك😭😭 وانا زعلت وقلت ليش بتتزوج علي وحاولت امسك دموعي بس غصب علي بكيت 😭😭😭 وقلت له ليش انا وش سويت لك علشان تتزوج علي قال لي انتي منتي حلوه علشان كذا بتزوج عليك وببقيك على ذمتي وقلت له لا مستحيل اجلس عندك اذا تزوجت علي وبكيت وهو يحاول يسكتني وانا قلت له طلقني😭😭 وهو يقول لا مستحيل اطلقك قلت دام ماني حلوه طلقني وهو يقول انا ماقصدي منتي حلوه قلت لاترقع السالفه انت كذاب تبي تتزوج وتتعذر اني ماني بحلوه وهو يقول هدي خلاص لاتصارخين قلت وش سويت لك قل لي عطني سبب يخليك تتزوج علي واذ قصدك ماني حلوه انت شفتني بالنظره الشرعيه ووافقت علي وماقلت منتي حلوه😭😭 وهو يقول امي وخواتي دايما يقولون منتي حلوه ويسبونك ويمدحون بنت خالتي وانا اطنشهم بس اليوم دخلت علينا بنت خالتي بالغلط مادريت اني موجود ولما شافتني هربت😭 ويقول ماشاء الله مزيونه وانا ابيها الشرع حلل لي اربع وانا ابكي وقلت خلاص اذا تبيها خذها بس قبلها تطلقني وهو يقول مستحيل وقال اسمعي انا بتزوجها ومستحيل اطلقك قالها بصراخ وطلع برى البيت مدري وين راح الحين يابنات مدري وش اسوي😭😭 اتطلق منه ولا وش اسوي طبعا اهلي مادرو وقلت اسألكم قبل لا اعلم اهلي طبعا انا انصدمت لما قال امي تسبك
خواته ادري انهن مايدنني ودايما يسبني لكن امه انا اجي عندهم واساعد امه لانها كبيره واعزمها عندي تقديرا له حتى خواته وانا ما ادنيهن ولايدنني اعزمهن علشانه 😭😭😭 لاتقولون لي يكذب امه وخواته ماقالن كذا لانه هو اللي بقلبه على لسانه وانا مابي اتهم بنت خالته لاكن وش جابها لقسم الرجال ولا بعد متزينه استغفرالله مابي اتهمها ما اقول الا حسبي الله ونعم الوكيل