مشكلتي ,,

السلام عليكم ورحمة الله وبركاته ,,,


بعد تردد وإستخارة اكتب لكم مشكلتي ..


انا فتاة عزباء عمري 35 سنه


كنت محجوزه لولد عمي مايقارب 29 سنه .. ما اكذب عليكم كنت وقتها صغيره وأبني آمالي على ولد عمي مع العلم مابيني وبينه اي شي ولا شفته ولاشافني , بعد ماوصلت 29 سنه .. تفاجأو أهلي بكرت دعوة لزواج ولد عمي يعني بالعربي سحب علي انا واهلي وخطبت له امه وحده وتزوج , ما اكذب عليكم تعبت نفسيا ومحد واقف معي غير الله عزوجل . كنت وقتها امر بظروف صعبه وبيني وبين امي حواجز هي خلقتها وكأنني عدوه لها وكنت تحمل ..
والله العظيم وقتها الكل تشمت فيني حتى امي وخواتي يؤؤؤ تستاهلين تزوج غيرك وكأني انا اللي رفضته او انا اللي قلت له روح تزوج غيري !!
بعدها بسنه مرت علي وكانو اهلي يترجون ولد عمي ياخذني وبرضو مافي فايده واقول لاهلي لاتهينون انفسكم خلاص انا مابيه
طبعا الناس كانو وقتها يخطبوني بس اهلي البنت لولد عمها لما تزوج وحتى مابعد تزوج هو برضو متأملين انه يتزوجني وبرضو ماتبي امه امي ..
بعدها وقف نصيبي محد خطبني .. وان جاني احد مايجيني الا الشيبان اللي عمره 55 سنه واللي عمره 60 واللي مطلق ويبي وحده تربي عياله صارو يجوني ناس وهم اللي يتشرطون وعددهم قليل قليل جدا جدا ..


بعدها ماجاني احد لما وصلت الى عمري حاليا 35 سنه خطبني اخو صديقتي والرجال متمسك فيني رغما اني اصغر منه ورجال بار بأمه وباخواته وهو العائل لاسرته بعد وفاة والده ومقتدر دين واخلاق وماشاءالله مال لكنه من قبيله اخرى ..


كلمتني صديقتي والحت علي وانا موافقه مابقى بالعمر كثر ماراح , بعدها رحت كلمت امي وكانت امي رافضه بحجة انه من قبيله اخرى وابوي وقتها كان موافق بس امي وسوست برأس ابوي لما رفض امي عذرها وش يقولون الناس تعرفه ؟ بينهم علاقه ! قلت هذا همك ّ! انا والا الناس اهم انا عمري 35 سنه قالت عادي عمرك ماتزوجتي خليك توصلين الى 40 سنه وتتبنين لك طفل .. !! ياما بنات وصلو 40 و 50 ماتزوجو وتبنو اطفال انتي اصلا محد يبيك اجلسي عجوز عند اخوانك ..


اقسم بالله العلي العظيم انه انكسر قلبي وحسيت بألم وكانه جلطه ألمت بي ..


انا اكبر البنات والعيال اكبرهم كلهم وتروح تشاور اخواني واخواتي ويرفضون ويتمصخرون علي يقولون خليها تعجز اصلا هي عجوز !!
وتقول لابوي هاذي فضيحه عار زنا عاهره عشاني بس جادلتها بحديث الرسول عليه السلام وكلام الله عزوجل ..
عشاني تمسكت بهالشخص صرت عاهره وزانيه ..
وتقولي وافقي على الشايب اللي عمره 70 سنه عادي مافيها شي ؟؟
قلت دامه عادي زوجيه وحده من خواتي دامه عاجبك !! قالت لا انتي عانس عجوز
وربي كل يوم ينكسر قلبي مليون مره
تبي تدفني بالحياه وانا حياه ..


انا تعبت نفسيا وجسديا ابي احد يتدخل بامري العمر يمضي وانا واقفه بمكاني اقسم بالله تعبت ارجوكم ساعدوني ارشدوني ابي اهل الدين يتدخلون والله تعبت وربي .. عطوني رقم شيخ او مصلح او مستشاره تكفووووووووووووووووووووون احس بنتحر من القهر ...