مشكلتي أنا وبنت زوجي / قديم

السلام عليكم ياغاليات حبيت اطرح لكم مشكلتي اللي من الصعب حلها لكن أملي في الله كبير أنكم تساعدوني لأنكم في هذا المنتدى احسكم اكثر من الأخوات مشكلتي أنا متزوجه وعندي ولد عمره 6سنين والثاني بالطريق وزوجي عنده 3ولدين وبنت وكلهم كبار البنت عمرها 21 سنه يعني ماشاء الله كبيره لوتفتح بيت وتخلف تقدر المهم



مشكلتي بنت زوجي عمرها 21 سنه

حاطه راسها براسي والله يابنات أني كافيه خيري وشري بس ابي أعيش لعيالي اربيهم وأكون معاهم لكن هالبنت مسويه مشاكل مثلا مسلطه الشغاله علي وأنها تحط عقلها بعقل ولدي وتضربه عشان تجرح قلبي وتحرمه من اي شي يطلبه منها مثل الحلاوه او اكل او اي شي ومشوها صورتي عند ام زوجي وسلفاتي لدرجة انها سوت مشكله بيني أنا وسلفتي ومين اللي راح فيها زوجي واخوه والله يابنات انه هذا كله بسبب كلام بيني أنا وزوجي وراحت نقلته لسلفتي وانا وياها تخاصمنا وزعل زوجي من كلامها لي وزوجها أتكلم في اخلاقي حسبي الله عليه
والله كل اسرار بيتي اهل زوجي عارفينها وكلمت زوجي وقلتله احسن حل انك تسويلي بيت بروحي اقل شي أخذ راحتي فيه يقول لا مااقدر بالرغم انه عنده عماره يقول بخليها استثمار وقبل أسبوعين كذبت على أبوها بكلام ما قلته وقبلها اخوها برضو افترى علي بكلام وانا مش من النوع اللي متسلطه اوقويه أواني اخلي البنت مثل الشغاله واصلا أنا مااعرف ارد لاحد بالله عليكم ايش الحل مع هالنوعيه لاتقولولي حاولي تتقربي منها بالهدايا او الكلمه الطيبه كل شي جربته معاها وكل ماتروح بيت تنكت أسراري كلها مع زوجي وانا ماابغى حياتي تكون كتاب مفتوح للكل بس ابغاكم تدعولي دعوه بظهر الغيب انها تنحل كل مشاكلي اذا مافي حل لأني على وشك ولاده الله ييسر كل أموركم يا حوائيات