مشكلتي.. ابنة زوجي وتصرفاتها السيئة<<< مُعدل

شكرا لك اختي البوح الصادق  كلامك صح وانا مااحب ابدا اقطع  بينها وبين ابوها قلت له ياخذها من عند امها يوديها اي مكان ملاهي ويشتري لها حاجات بعيد عني لاني مااتحمل اشوف اغلط واسكت كذا مره اتكلمت معا ها بهدوء ب مافيه فايده احيانا تمد يدها عليه  وتصارخ عليه   قبل اسبوع قفلت الباب على نفسها وبنتي معاها واخذت تضرب فيها وانا ساكته  ومسكت شعر بنتي وبرمته برم لين بكيت  وتصرفات ثانيه مااقدر استحملها فالافضل لي ولها انها ماتجي  ولما تكبر  وتعقل الله يحييها   

الله يكون في عونكم

البنت تحصد زرع امها وابوها الطلاق دمار نفسي خاصة للاطفال
والبنت تضرب الناس وتتلفظ الفاظ سيئه لانها اكيد 100% تنضرب وتنشتم

البنت اذا جات تزوركم عامليها مثل بناتك بيجي يوم تكبر وتتذكر كل شي صار
اكسبيها بصفك وبصف بناتك وحببيها فيهم
وكلمي بناتك انها اختهم ولازم يحبونها

وابوها مجبور فيها واليومين اللي تزوره فيهم المفروض ياخذ ويعطي معها بالكلام ويدلعها يعوضها عن الفراق وبنفس الوقت يعلمها الصح والغلط الاب له دور بالتربيه لازم تعرف ان وراها اب ، لا يقول حرام كلها يومين ويتركها بلا تأديب وارشاد اجل ليش تزوره يومين عشان يناظرها وتناظره ؟!

مثل مايربي عياله اللي عايش معهم ، عليه حق لبنته اللي عايشه مع امها
ومسأله انه ياخذها برى البيت ابداً مو حل ، ممكن يطلع معها مشوار لحالهم مره او مرتين وممكن ياخذ اطفاله كلهم ويروح يتمشى معهم لا تفصلين بينهم

الله ييسر امرك ويقدرك على التربيه

من حق البنت على ابوها يعلمها الصصح من الغلط ويراعي الله في تربيتها


لابد تتناقشين مع زوجك بهداوه بخصوص هذا الموضوع عشان لا يتضايق لما يشوفك ترشدينها وتأدبينها


اذا جات عندك البيت معليش اضغطي على نفسك مثل مانضغط على انفسنا عشان عيالنا


اصبري وخذيها بالحلم وعلميها ان هذا صح وهذا غلط اذا سمعت كلامك ضميها وامدحيها وعامليها مثل عيالك


ولو البنت طباعها سيئه وفيها لكاعه ترى طبيعي بسبب طلاق امها وابوها وهي بالنهايه طفله مالها أي ذنب


وباذن الله لك الاجر ومع الوقت البنت حتحبك وبيتراعي زعلك ورضاك وماتسوي شيء يضايقك


بس لازم زوجك يفهم حقوق بنته عليه ويتفهم طريقتك بالتعامل معها لو غلطت

الحلويات لها مفعول عجيب للأطفال, أستخدمية في طريقة مبدء الثواب و العقاب. و يومين فترة قصيرة , شجعي سلوك الإيجابي بهدية بسيطه كبالون..الخ, ممكن شراء لعبة جماعية للتخلص من حده العنف نحو أطفالك.

وعليكم السلام ورحمة الله وبركاته
ياقلبي حاولي تكسبينها عن طريق الكلام الحلو والقصص والهدايا كالقصص والألعاب المفيدة وعن طريق اللعب الجماعي مع إخوانها


حولي هليومين عندها لعب ووناسه ونصح وإرشاد أقسم بالله غير تحبك و تموت فيك وتتمنى هاليومين عشان تشوفك وكمان زوجك راح تكبرين بعينه كمان وكمان ومن غير الأجر اللي راح يجيك من رب العالمين




إقرئي عن مواضيع تربوية كيف تكسبين الأطفال عشان عيالك وعشانها ...


وادعي الله إن يعينك علىيها وسدد خطاك بالتعامل الحسن معها