مشكلتي ابنتي تخفي أوراق المدرسه !!!

السلام عليكم ورحمة الله وبركاته

أخواتي عندي مشكلة مضيقة صدري

عندي بنت في صف ثالث ابتدائي إذا عطوها المدرسة أوراق مثلا عندها تقييم,,, بيعطونها فرصة لإعادة التقييم

أي ورقة تخبيها ولاتوريني هية ...

مثلا الاربعاء كان عندها أملاء ماقالت لي ولا كتبوا لها أن عندها املاء ولما جات الاربعاء فتشت دفاترها مثل العادة ماشفت شي ولما رحت عند وحدة من قريباتي بنتها مع بنتي في المدرسة تسولف لي عن بنتها قالت أخذت الدرجة كاملة في الاملاء قلت لها ماخذوا املاء توني شايفة دفتر بنتي مافيه شئ قالت والله أخذوا وجابت دفتر بنتها .

لما رجعت للبيت وضغطت على بنتي قالت أخذنا ولكني قطعت الصفحةعشان ماتشوفين اني اخذت درجة منخفظة جدا

وهذي ياخواتي مو اول مرة سبق وخبت عني التقييم في الترم الاول وخبت اوراق ..

لاتقولوا أتصلي في المدرسة لاني كل مرة اتصل يقولوا المعلمة مشغولة ومااقدر اروح للمدرسة لاني موظفة ودوامي صعب.

ساعدوني الله يساعدكم ...