مشكلتي اثناء الدورة الشهريه

السلام عليكم بنات


بنات ساعدوني انا انسانه احب اكون من ربي قريبه ودايما قريبه بس احس اني مهزوزة ساعات اقرب وفجاه بدون شعور ابعد

ولما اقرب احس اني ملكت الكون وكل شي مجاب ومرتاحه
ولما ابعد احس اني في قمة النكد

احس الشيطان مسيرني

المهم ايام اكون ماشيه ع الصراط المستقيم وقريبه من ربي بس لما تجيني الدورة انسى التحصين وانسى الاستغفار وانسى الذكر ودا شي يضايقني :(


بنات ايش اسوي عشان حتى ايام دورتي اكون قريبه من ربي

محتاجه ربي ومحتاجه رضاه من سنتين كنت قريبه من ربي لدرجه يا بنات كان عندي مشاكل وبلاوي ما يعلمها الا الله وضيق في الماده ومشاكل يوميا في بيتنا الا اني كنت كاني ملكه وماني حاسه بكل دا كنت مرتاحه واقسم بالله ادعي الدعوة بالليل بالقيام تاني يوم تصير

حتى في دراستي احس مقدر اركز ولما ازاكر واتعب ما احل رغم اني قبل الامتحان اكون فاكرة وفاهمه وكل شي واشرح لصحباتي
انا بالجامعه اتبهدلت وربي :( دراستي احسها تاثرت برضو بالموضوع احس ربي يعاقبني لاني اكون فاهمه وربي بس الاختبارات كان ربي يعمي بصيرتي ويوقف تفكيري ولما اطلع منه ابكي ولما يراجعوا البنات اجاوب الاجابات الصح معاهم يقولولي اجل ليش ما عرفتي تحلي وابكي اقولهم مدري مدري

بنات احس كدا ربي كانه يسوي فيا كدا حتى بدراستي عشان يبغاني الجا اليه واقرب منه
بنات ساعودوني ارجع لعلاقتي بربي

انا نفسيتي مدمرة ليا سنتين بحاول اصلح علاقتي بربي احس ماني قادرة


احس ربي يحبني ودايما يلهمني واحس كل مرة كانه يسوي شي عشان يخليني ألجأ اليه

يبغاني اقرب منه وانا احس اني كان في حاجز بيني وبينه حتى بطلت اصلي القيام اللي كنت مداومه عليها وفعلا كنت ملكه زماني ومرتاحه وما احس باي هم رغم كترت مشاكلي

بنات كيف استمر ع الذكر بدون انقطاع حتى لما استغفر شوية والقى نفسي سهيت وصرت افكر بشي تاني



انا في امنيه في بالي ليا سنه ادعي ربي في كل اوقات الاجابه حتى في سفري
وابغى ربي يحققلي هي كلي يقين وثقه في ربي محتاجه دعواتكم ربي يحقق امنيتي عاجلا غير اجل

بنات مدري ليش كتبت الموضوع بس احس كل مرة ادخل القسم دا كانو ربي هو اللي يدخلني فيه عشان اقرا كم شي احس انه يبغاني اسويه ويقربني منه


في وحده ربي يذكرها بالخير قالتلي انت ربنا يحبك ويبغاكي قريبه منه من كدا كل ما بعدتي حطك في محن تقربك منه وانت لاهيه


انا ماني من البنات الحمدلله اللي مقصرة في صلاتي بالعكس ولا من البنات اللي اخر همهم الدنيا
الحمدلله انا حتى في نظر امي زهيده متدينه


وكتير من قريباتي يقولولي اني معقده رغم اني انا ماخده الدين بدون تعصب بس ملتزمة الحلال حلال والحرام حرام واطبق كلام ربي


تخيلوا قريباتي ما يطيقوني عشان كدا وانا ما يهمني لان ربي اهم عندي من الخروج والدشرة


بنات نفسي ارجع لايامي لما كنت مجرد ما ادعي الدعوة الاقيها تاني يوم مجابه كيف ما ادري بس الاقي انه ربي حققها


ودي ربي يحققلي امنيتي ادعولي الامنيه دي شي اتمناه من قلبي

ادعولي وساعدوني امانه:(

والله اني احب ربي والله هو فوق كل شي عندي



ربي اجعل اخر همنا الدنيا ولاتجعل قلوبنا معلقه الا بك وحدك لا شريك لك