مشكلتي ادعي وفقلبي اقول مستحيل يتحقق هالشي

السلام عليكم بنات
بدخل فالموضوع على طول :42:
انا مشكلتي كل ما ادعي بشي فداخلي اقول مستحيل هذا الشي يتحقق ماعرف ليش
انا عندي ايمان ان الله يقدر يحققلي كل امانيي طبعا
احاول اوقف بس ارجع
مثلا لما كنت صغيره كنت اتمنى اصير طبيبه (وللحين هالشي) هذا الشي الوحيد الي صدق اتمناه لي أنا و فحياتي ما تمنيت شي بهالدرجه
بس طبعا الاهل ما وافقو و اصلا درجاتي مو هذيك الدرجه و اكره ادرس فترات طويله و خلاص هذا بالنسبه لي بس حلم في احلام اليقظه بس كل ما ادعي (لاني اعرف لو الله ما استجاب لي بيكون خيره لي) فقلبي اقول مستحيل هالحلم يتحقق و اجلس اعدد العوائق مع انه لو الله راد اكيد بيتحقق هالشي
و مثلا اجلس مع زميلاتي و اذا جاء طاري الزواج (4 متزوجات ما شاءالله و في مخطوبات و في مو مخطوبات بس ينخطبون كثير ) انا استحي لاني ولا مره انخطبت ارجع البيت ادعي عالاقل بس حد يتقدم لي مو شرط انخطب و اقول مين الغبي الي بيجي يسال عني , و اقول انا مو "لايق" علي اكون مخطوبه او متزوجه
عندي احساس اني ابدا ما بتزوج احس يليق علي اكون مو متزوجه ماعرف كيف اشرح
بس المهم كل ما ادعي فقلبي اقول مستحيل هالشي يتحقق و اجلس اعدد الاسباب الي فبالي


طولتها و هي قصيره انا كل ما ادعي شي لنفسي اجلس اقول مستحيل هالشي يتحقق و اخاف الله ما يستجيب دعائي بسبب هالشي اتمنى اوقف كيف ؟



ارجوكم ولا حد يهاجمني :09: هذي ورده :26: (متعقده ههههههههه)