السلام عليكم
بتكلم لكم بشكل عام
انا ذابحتني المقارنه بحياتي
ومشكلتي الابديه حساسه
انحرج بسرعه
ولا انسى الكلمه
يعني تعرفون الناس كل حياتهم سوا خوات
سلفات
اقارب
بالذات السلفات والخوات
الناس بس يقارنو بينهم
فيهم وفيهم
هاذي اجمل هاذي موب حلوه
هاذي كشخه هاذي لا يع ماتعرف تلبس
هاذي جسمها يساعد
هاذي جسمها لا نحيفه مافي علامات انوثه
وكذا الحال
لما كرهت نفسي
قبل
كنت احب اكشخ والبس احسن لبس
واحط ميك اب ناعم
ويطلع شكلي مرتب ماطلع ملفته لا!
لاكن بكل بساطه عندي اخت
وعندي سلفه كلهم ملكات جمال
لو يحطون روج
غطو علي
فكم مره يصير وضع مقارنه لما احس
جاني زي اكتئاب او وسواس انه
ماله داعي البس واكشخ بكل بساطه ماحد
منتبه لي اهل زوجي عيونهم ع سلفتي
واقاربي عيونهم ع اختي
ليلى بنت مزنه @lyl_bnt_mznh
عضوة جديدة
يلزم عليك تسجيل الدخول أولًا لكتابة تعليق.
borbolita
•
عادي دايم يكون وحده جميله بس ماتعرف لنفسها و فيه كثير ملامحهم عاديات بس انيقات او مهتمات بانفسهم و على فكره انا قاعده افكر اسوي لي تجمع انا و ابي احد يحمسني و يدخل و يصير تجمع و تحدي اننا نسمن و نحط زيوت و نهتم بانفسنا من خلطات و كل وحده تقول لنا شي مجربته و نهتم بانفسنا و روابط تعزيز الثقه بالنفس و اشيا زي كذا كنت شايفتها بتجمع كويتيات و كلهم قالوا بعد شهرين تغيرت نظرتهم بانفسهم بس المشكله متعيجزه انزل الموضوع 😂😂
خلي عندك ثقه بنفسك وقناعه ولا تلتفتين لـ احد ولا تهتمين لـ احد قوي ثقتك بنفسك انتي تفتقدين الثقه
هالمواضيع كثرت. ..ليش مركزين عالجمالا الخارجى وناسيين جمال الروح اللى هو الباقى والثابت والله عندى أقاربي جميلات جداااا مافيه أحد يحب الجلسة معاهم....من عجرفتهم. ...وفيه ناس جمالها أقل من العادى وتلقى الكل يتهافت عليها وكلهم يبون يجلسو معاها وماينمل من حكاياتها. .ونفس الشي بالنسبة للرجل وحبه لزوجته مرات تكون عادية ويموت عليها واكيد كلكم عندكم امثلة فى حياتكم ومرات ملكة جمال وعنست او اطلقت او ....والله الجمال ماهو مقياس. ..عيشو حياتكم تلقو روحكن أجمل الناس ....كن جميلا ترى الوجود جميل...والأخير انا اقل من عادية والف حمد وشكر لرب العالمين .....المهم مقتنعة..😆
لا يمكنك مشاهدة هذا التعليق لانتهاكه شروط الاستخدام.
👍صح عليييك التميز مو في الشكل والكشخه فقط فيه التربيه والدين والسناعه والطبخ تميزي في الشي الي تميلين له
الصفحة الأخيرة