مشكلتي الثاله والاخيره ان شاء الله... تكفون ساعدوني

السلام عليكم ورحمة الله وبركاته

اخواتي الغاليات انا ثالث مره اككتب مشكلتي واتمنى القى حل منطقي مثل ما عودتوني

انا بصراحه كنت متفقه مع زوجي ان احنا نتطلق الاسبوع الجاي وماتطلقنا بنفس اليوم لظروف عائليه

المهم من يوم مااتفقنا انا رحت حق مطوعه

وقالت لي ان زوجي مسحور من زوجته الي قبلي
طبعا انا وقت تزوجته قالي انه مو متزوج
وبالصدفه من فتره بسيطه اكتشفت انه متزوج قبلي بفتره

وقلت بما ان هذا شرع الله ما اقدر اعترض عليه

الي صار اني بعد مااكتشفت زواجه قالي لاتزعلين علي الا اذا جلست عندك اقل من 48 ساعه
انا لاني احبه رظيت

بس يوم شفت الدعوه حقيقه مسكته وقلت له مايصير المفروض انك عالاقل تعدل بينا

قال انتي بتسويلي فيها الله وتعرفين اذا اعدل اول لا ووووووو

وانتهت بانه قالي انك جالسه تسوي المشاكل هذي لانك تبين الطلاق
خلاص انا رح اطلقك
شوفي قولي لابوك اي يوم يناسبه نروح

وطبعا انا واهلي بدون منه بصراحه اصحاب فضل عليه
فمن القهر عايرته بكم شغله

انقهر مني
وطلع

رحت بيت اهلي
جانا اخر الليل يقول لامي اني انا اهنته واني واني واني
نسي حضرته الحركات الي سواها

وطلع قال اشوفكم يوم كذا بالمحكمه

لكن صراحه يوم قال انه راح يطلق استانست

بس الحين وايد متضايقه وودي ارجع له

شوروا علي الله يريحكم دنيا واخره

وان شاء الله تكون هذي اخر مشكلاتي

والسلام عليكم ورحمة الله وبركاته

استغفر الله العظيم من كل ذنب عظيم