مشكلتي الحديده متعبتي

الله العظيم يابنات تعبت من كل شي حتي حملي مافرحت ولا تهنيت فيه من مشكله لمشكله
انا اتكلمت قبل كذا عن مشكلتي مع زوجي وسمعت كلامكم واقتربت من الله و وكلت امري لله وارتحت لكن اخت زوجي رجعت نغصت علي حياتي
انا تعباااااااااااااااانه من اخت زوجي عمرها في ال30 وانا حاليا عمري 23 تعبت شيبت راسي هيا مو مرتاحه مع زوجها بس ماشاءالله الله اعطاها 5 عيال
يابنات تطاولت علي بالكلام وبالسب و الدعاء والله العظيم الي يشوفها يقول اخذه زوجها منها حاقده علي بطريقه انا ستغربه منها
هيا علاقتها بااخوها مافيها شي جدا عاديه
وانا يابنات صحيح قاهرني كلامها بس ماني حاقده عليها و لاجل اتجنب المشاكل اعتذرتلها وقلتلها انا اسفه اذا صدر مني شي زعلك لاني عارفه نفسي صريحه بزياده وفي ناس تكره صراحتي رغم اني بعفويه اتكلم واحاول ماازعل احد
المهم اني اعتذرتلها ورغم كدا مافي فايته صارت تدعي علي اكثر وتسب فيني اكثر ولا كمان تهددني بانها تخطب لزوجي وقدام عيني تمدحله البنات وربي ماادري ايش اسوي فيها انا تركتها لربي تعرف اني حامل وتعرف اني بيني وبين اخوها مشاكل وياالله ياللله امورنا ببركة ربي ماشيه تزود علينا تحاسبني ع النظره وتحلف بالله اني قلت كلام والله العظيم ماقلته جننتني جبت القران وحلفت عليه اني ماقلت الكلام الي هيا قالته واني قلت كذا وكذا كذبتني وحلفت بالله اني اكذب وعيني في عينها ياقوتها يابنات حتي طريقت كلامها شوي وتذبحني والله اني مصدومه فيها ايش الحل بالله معاها
وفوق كذا قالت ان سلفتي قالت كلام وانا بواجه سلفتي قدامهم لجل اشوف مين الصادق ومين الكذاب حتي زوجي صدقها وام زوجي تقول انا تعبت منكم انتم كانكم ضراير قلتلها انا لجل اشتري راحت بالي مستعده ارجع كمان اعتذرلها بس والله مستغربه منها ليش كل هذا ماتخاف ربي يعاقبها بشي والله ماابغي ادعي عليها لاني ادري حياتها صعبه وكنت دايما ادعيلها بس بعد مامدحت البنات لزوجي قدامي صرت اتحسبن عليها ليل نهار ورجعت افكر بالطلاق بعد ماشلته من راسي وزوجي الي قاهرني وهي تمدح البنات مبسووووووط ومبتسم حسيت مالي قيمه عنده والله يابنات اني كررررررررهت حملي وكرهت الي ببطني كل يوم اقول ان شاءالله بكره احسن القي اتصلحت من جهي وخربت من جها
المشكله ان ام زوجي الحمدلله طيبه بس ماتقدر ع بنتها واخته الثانيه للحمدلله طيبه بس هذي خنقتي كيف اكتفي شرها يابنات باللله قولولي ابغاها تهداء وتشيلني من تفكيرها ايش الطريقه