مشكلتي الحوار الحاد جدآ؟؟؟؟؟؟؟؟؟؟

شكل شخصيتك مو قويه

الجراة والقوه في النقاش اعتبرها هبه من رب العالمين ويبي لها فطنه وسرعة بديهه وشخصيه قويه

اما اذا كنتي مثل حالاتي ما تجيدين الرد السريع وما تملكين مهارات في الحوار فمالك الا انك تتجنبين النقاشات الحاده احسن لك

وفيه دورات في الحوار ممكن تبحثين عنها لو الموضوع مهم بالنسبه لك

بالعكس ارد بسرعه حتي يمكن اعطي في الوجه بس المشكله اذا طول النقاش اعصب وما املك نفسي شوي وابكي لاتفهمين غلط يعني واضح على نبرة صوتي بالعكس احس اني اضبط البنات في المدرسه

عزيزتي انتي من الشخصيات الانفعاليه اللي بسرعه تنفعل ويبين على وجهها كل شي ان فرحت بين وان زعلت بين وهذي مشكله كبيره لانها تخلي محاورك يتحكم فيك وكانك كتاب مفتوح ..
اول شي انصحك فيه ادخلي دورات عن المحاور الناجح ويا كثرها تارسة المبوبه والوسيله وعن النقاش الهادف
اقري كتاب او مجموعة كتب عشان تتحكمين في نفسك واعصابك
اذا حسيتي انك وصلتي حدك استئذني من اللي يناقشك وكانك رايحه دورة المياه ( اعزكم الله ) او بتشربين مويه وخذي نفس عميق او اغسلي وجهك وحاولي تعدين من واحد لعشره عشان تروقين
او غيري تفكيرك يعني لا تشوفين خسارتك لاي حوار معناها عيب او خساره لك ادخلي للحوار بقلب مفتوح وعقليه متفتحه واعرفي ان لكل شخص رايه ومبداه ومولازم تقنعينه او يقنعك
انهي الحوار بعبارة جايز او ممكن
تدربي مع نفسك او مع احد من خواتك او من اخوانك وشوي شوي راح تبدئين تتقنينه
وياكثر الناس يا عزيزتي اللي على بالهم محاورين وهم يدخلون للحوار وكانه ملعب كوره والا تقتنعون والايزعلون وينتهي من حوار الى جدال عقيم
وفيه ناس اذا حسيتي انهم بس يستفزونك فمن الاصل تجنبي الحوار والنقاش الطويل معهم اللي ماراح يوصلك الا لرفعة الضغط
وفقك الله :26:
ودمتم بود

مشكوره والله يجزاك خيرا وتقبلي فاق احترامي وتقدرى لك اخيتي ولك جزيل الشكر اختي موهومه

انا كنت كذا زمان
والحمد لله مع مرور الزمن والزواج والعيال تتعلمين القوه وتصير العبره معد تجي الا بالشديد القوي