مشكلتي الدوخة و المشي !

من البدايه وانتي بالخامس بلشي امشي
واهتمي بالحركه كثير
هالسبب الرئيسي عدم الحركه بالاشهر الاولى

والله يقومك بالسلامه

شوفي حبيبتي قبل لا تمشي خذي علبة لبن وحطي فيها ملح وخليها عندك بلشنطه من يجيك هبوط ودوخه اقعدي على جنب واشربي من اللبن وبتروح انشالله
ثانيا لا تمشي برا بلحر
دوري لك مجمع تجاري مكيف وامشي فيه مع زوجك او امك
وماعليك شر والحال من بعضه هنا

فلسطين حرة
جربت امشي من الخامس بس مشكلتي ان اللوعة و التقيؤ مستمر معاي من البداية للثامن .. و كثرة الحركة تزيده و الدوخة بادية معاي من الثاني للآن .. الله المستعان..والله يسمع منك و يقوم الجميع بالسلامة

hello kitty
فكرتك حلوة .. راح اجرب امشي في مجمع تجاري ساعات و ساعات برا بس راح امشي في الليل تجنبا للشمس لانها بالفعل تدوخني اكثر ..و بخصوص اللبن راح اجرب طريقتك...انا عادة اخذ معاي كاكاو لما اروح المستشفى او مجمع تجاري علشان لو دوخت اخذه بس فكرة اللبن شكلها تنفع للي تبي تمشي المشي الحقيقي والله المستعان
بارك الله فيكي على النصيحة اختي

أم طلال و لين
ماعرف شو مشكلتي مع فقر الدم .. من يوم و انا صغيرة و انا اعاني منه
و الدكتورة وصفتلي حبتين حديد في اليوم مع فيتامين سي و هذا غير حبة الفيتامينات المشكلة بس لا يزال عندي انيميا حسب الفحوصات . ... أنا أحاول اكل تمر قدر المستطاع و مؤخرا صرت اشرب عسل ...راح اسمع كلامك و اروح الحين اكل كيوي .. و اتبع نصيحتك قدر الامكان و الله يعين
مشكورة يالطيبة على النصيحة ما تقصرين عيوني