مشكلتي الرهاب المكياجي هههههه مين تساعدني

مرااااحب بنات

اليوم جايتكم بمشكلة عصيبة <<<<<< على بالها منتدى المشاكل الاجتماعية
لا من جد وكنت راح أكتبها في المشاكل الأجتماعية وقلت إنتوا اللي راح تفيدوني هي المشكلة مش رهاب إجتماعي هو بالأصح رهاب مكياجي <<<<<< أفهمكم

يعني أنا بالعربيإجتماعية جداً لكن أخاف من محلات المكياج ماأدري ليه يعني أنا لما كنت في بلدي كانت أي توفرلي مكياجي أو زميلاتي يعني خروجي للسوق قليل ولما تزوجت وأنتقلت لمدينه أخرى صار لازم أخرج وأشتري أغرضي بنفسي وطبعاً زوجي معايا ومستحيل أخرج بدونه وهو اللي يتكلم مع البائع أنا ولا كلمة مومشكلة

المشكله دحين إني أبغى أروح أشتري مكياج ok وتقريباً حددت اللي أبغاه لكن أخاف لما أروح محل مكياج وأسأل عن ماركة معينة يقولي ماعندنا أو أسأل عن شي معين يقولي ما أعرف وأساساً أنا ماأعرف أتصرف في المحلات يعني أقعد أدور في الأستدنات إذا وجدت أو أسأل البائع مباشرةولا كيف
طيب كيف أعرف الجديد في الماراكات كيف أعرف اللي يناسبني <<<< مأساة

أخاف أسأل عن شي ويحس إني ما أفهم شي ويضحك عليا صراحة يابنات من جد نفسيتي متأزمة من هذا الموضوع والمشكلة كمان زدات في زوجي مايحب يروح محلات المكياج يستثقلها مرررة أنا فكرت أكثر من مرة إني أشتري عن طريق النت من البنات اللي في المنتدى وبعدين لغيت الفكرة لأنه لازم أكسر هذا الحاجز وفكرت أطبع الأغراض اللي أبغاها وأعطيها لزوجي وهو يجيبها بس برضوا موكل شي أبغاه موجودة صوره وأنا لازم أكسر الحاجز


أنا طولت عليكم بالثرثرة بس ماأبغى منكم أسباب الحالة أنا أعرف أسبابها
أنتوأعطوني الحل وإذا كنتم كذا من قبل
وكيف أتصرف في المحلات يعني دروس إتيكيت في محلات المكياج
وياليت محلات المكياج اللي في مكة
وإذا ممكن أبغى ماركة بيس للبشرة المختلطة ولا تحيروني وبالصورة
وسؤال يابنات يعني لازم نطق الكلمات يكون إنجليزي ولا يصير مثلاً أقوله أعطيني خافي عيوب أو لمعه مثلاً أو ظل عيون طيب البيس إيش أقوله الأسم