أخبار صبايا عالم حواء
حابه اليوم أحكي لكم جانب من حياتي مع أهلي ووش كثرهالجانب مشغل تفكيري وعجزت ألقى له حل 😶
طبعا مشكلتي بدأت من سنتين كنت حامل وجاني مرض عجيب غريب الحمدلله جلست عندهم مايقارب سبعه شهور من بدأ مرضي لين رجعت بيتي شفت العجب منهم تخيلوا وأنا بالمستشفى شنطتي الخاصه اللي فيها لبسي ومكياجي واكسسواراتي أطلع وألقى أصغرخواتي راميه كل شي فيها عالأرض تخيلوا ومكياجي لعبوا في حسبته بنات أختي وفوق هذا كله لاحيا ولا مستحى ماكأنها مسويه شي اختي الكبيره شغالتها حزنت علي وخواتي ماحزنن علي وتشيل وترتب وتساعدني وانا يالله أتحرك وأتنفس هذا اول عجب شفته
ثاني عجب كنت وقتها زعلانه من زوجي بشكل ماتتخيلون لدرجه كل تفكيري كيف أبتعد وأنتقم منه لأنه هووالسبب في تطور المرض معي ماتابع حالتي زين
وأتفاجأ بأمي تضربني عشان قررت أتطلق مع الفجر تجي تصحيني أصلي وتضرب بعصاتها وش طلاقها ومن هالكلام ولما أجلس معها أتقهوى تقول لاتطلقتي وين بترحين بتنفكين في الشارع زي اللي يشك إني إنسانه غيرجديره بالحفاظ على نفسي هذا ثاني عجب شفته
ثالث عجب تخيلوا زارتني صديقتي طبعا الحمدلله كل حبايبي جوا وزاروني وتطمنوا علي وكلمتني صديقتي قالت بجيك طبعا أختي رفضت تستقبلها والله ان صرت أستخسرفيها كلمة أختي أعوذبالله من شرها وطبعا قمت وتحممت وحطيت مسك وشغلت البقره أبي أكون تمام يوم زيارتها ولبست بنتي الله يحميها وطبعا جت صديقتي وماقصرت وعشوها هلي ذبيحه طبعا اللي حصل بعد مامشت حسيت بصداع قوي وجت بنت اختي وسوت لي مساج شوي حسيت أبي أستفرغ وإلا الله يكرمكم استفرغت دم أسود قبل ماالحق أدخل الحمام شي يخوف بسم الله تعرفون حامل ووحم وعلاجات لليل بجسمي قلت يمكن من تأثيرها طبعا العجب اللي شفته جاأصغرأخواني كلمته أمي قالت لازم نسعفها نوديها المستشفى طبعا الأخ عنده سهره وعشامع أصحابه جا ويهدد والله يابوي وياأمي إن وديتوها المستشفى إن أنحركم تخيلوا وأنا جالسه قدامهم أستفرغ ماوقف الإستفراغ قالت أمي طيب إسعاف قال والله إن دقيتوا لألعن والديكم تخيلوا بكل جرأه يهدد ويتكلم طبعا بوي يوم شاف حالتي خلاص تعبانه مرره قال والله لأوديها ماعلي منك ورحنا المستشفى ومغذيات وتنويم وعلاج والحمدلله على كل حال
طبعا الشيء الأعجب من هذا كله إني قضيت كل هالفتره معهم مابين غياب عن زوجي ومابين مستشفياات وعلاج وفوق هذا كله كل أخواني على كثرهم مايدرون وش مرضي كل واحد يجيب كلام من راسه حسيت وقتها إن محد درى عني ولاأحد عليه مني لاخوات ولا أخوان الشكوى لله
وفيهم جرأه أعوذبالله مثلا تكلم معك ماأعجبه كلامك يضربك عادي مايحط لك قدر ويقول أختي وعيب لا عادي
والا لاجيت ادافع عن اختي الصغيره بأي موضوع يدفون ويهاوشون
والله مره لقيتهم عليها يضربونها وحاولت أفكها يقوم أخوي الكبيريدفني بأقوى ماعنده لأبعد جدار وأغمى علي ولا أسعفني غيرخدامة أختي تبكي وتصيح عند راسي وحسبي الله بس
لاوالأعجب من كذا بوي كان يساعدني ويعطيني مبالغ بسيطه ميه وكذا وتجيك وحده من خواتي لئيمه أعوذبالله من شرها وتقول ليش تعطيها ليش وتبكي تخيلوا مع إنها متزوجه وياما كنت أساعدها معنويا وماديا لكن أدورها عند ربي سبحانه
طبعا كل هالمواقف ليتها توقفت معهم عند هالحد لا كل ماجيت عند أهلي ألقى اللي يقذفني بكلام بذيء ولازعلت يقول تزعل
والا اللي يهدد زوجي وبناتي بالذبح
طبعا هالفتره قلت أزورهم أبوي تعبان لكن يابنات فيني خوف منهم ماني قادره أتطمن لروحتي لهم مايحترمون أحد وأمي كل يوم تتصل وين اللي تقول بجي
وفوق كذا أنا حامل حاليا وزوجي ظروفه صعبه ولما أحتاج اكلم واحد من أخواني ويرسل لي ميه متين حسب قدرته وزوجي يزعل مرره ليش تبينين لهم إنا محتاجين قلت أنا أمنته محد يدري قال ماعنده سد لكن وش أسوي ظروفه مرات وش حلوها مرات مايلقى ريال يصرف فيه نفسه فأضطر أكلم أخوي هوالوحيد اللي باقي له غلا وعندي أخت كبيره الله منعم عليهاماشاءالله لكن ماتعطي الا سلف ولازم سبب قوي عشان تساعدني الله يزيدهامن فضله
عادأنا كثرت الحكي
أبي مشورتكم كيف أتعامل معهم وهل اتصالي وسؤالي عن أمي والبعد عنهم يكفي عن زيارتهم وأبوي تغيرعلي مايزورني جا مرتين بالمدينه اللي أنا فيها ولافكريتصل ولايجي لكن الله يفرجها
😓💔🌺🌺🌺
لاتهتمين ولا تفكرين بشي يسونه
اهم شي ماتكتبين عند ربي من اللي قاطعين الرحم .. واصليهم واسالي عنهم ولا تستنين منهم رجا
ربي مايضيع حق احد