المثل يقول الكلمه اللي تستحي منها بدها وانا بقول اللي بخاطري حتى لو ما اعجبك لكن انا بقول اللي يرضي ضميري وكلام من القلب ..
انتي طبعا تفكرين تاخذين مسلم صح !!
طيب المسلم الاجنبي يكون بعلمك اشد من اي مطوع عندنا ليش ؟!!
لان حنا للاسف صار الدين عندنا وراثه والعيب والعادات والتقاليد صارت تغلب امور الدين للاسف وهذا واقع الكل يشهد عليه ..
يعني لو اخذتي مسلم وهو وافق ياخذك حطي في بالك اول سبب لانك مسلمه وهو يبي وحده تربت وعاشت على الاسلام يعني لاتتوقعين انك بتطلعين بدون حجاب او انك بتضحكين وتسولفين مع اي احد لانه يطبق الدين بحذافيره مايطبق عاداته وتقاليده والحياه في الغرب تختلف عن العرب كثررر خاصه بالامور هذي يعني من المحتمل يقولك تشتغلين في مراكز اسلاميه تفيدين المسلمين وتدعينهم للاسلام وبيجي مكه يحج وياخذ عمره واصلا هو راح يتفاجأ من ان الدين عندنا للاسف مايطبق بحذافيره في المجتمع ( ركزوا قلت المجتمع ) وان العيب والناس لاتقول عنا هي اللي ماشيه عندنا ويمكن اصلا ماتعجبينه ويتركك يدور وحده مطبقه دينها بحذافيره .. انتي عايشه في الاوهااااام حاطه في بالك انك بتروحين هناك وبتتحررين لكن اذا هذا تفكيرك اخذي كافر اجل هذا ماراح يسأل عنك اصلا وبتتحررين صدق من كللللل شي ..
ولفت انتباهي انك مستعده تبيعين اهلك عشانه طيب هو اول شي بيقوله انك عاقه لوالديك يامسلمه :)
انا مريت بنفس تفكيرك واحلم احلام كثيرررره وماكانت الحياه عاجبتني هنا و و و و وكلها من افلام وصديقات مايدلون على خير ..
وبقولك عن ان فيه شباب كثيررر هنا مو عاجبهم نظام العادات وكذا يبون وحده تفكيرها غيرررر وكثير اعرفهم طلقوا بسبب هالشي لان المدام تقوله لا مايصلح اهلي لو يدرون ذبحوني لاينقدون عليك الناس مايبي هالنظام ابدا وللاسف الخيانه كثرت والشاب مايتزوج وهو كبير كل هذا ليش لانهم بين نارين بين تفكيره والحياه اللي يبيها وبين المجتمع والعيب والمنقود صار يسوي عاقل ورجل وذيب قدام الزوجه والاهل ومن وراها يحقق احلامه بطريقه ثانيه والدليل انهم ليش طايحين في الدول العربيه ويقولون انها احسن منكم عشان هو يبي جو غير العادات والتقاليد مايبي يسمع الناس لا احد يدري و من هذا الكلام ولو كل واحد يتشارك مع زوجته على انها صديقته وعشيقته ولكل وقت لها مكان غير ومابينهم خطوط حمراء وتركوا الناس عنهم وخلوا الاقارب صلة رحم فقط والله ماصار اللي يصير في مجتمعنا من بلاوي والكلام هذا يمشي مع بعض الحريم قدام الرجال والاهل حرمه سنعه وكلمة عيب على لسانها وحاطه حدود لزوجها ماتخليه يقول ويسوي اللي يبيه قدامها وهي من وراهم توسع صدها من هنا ومن هنا بطريقه او بأخرى ليش عشان محد يقول عيب .. ومافيه واحد او وحده تطلقوا او رفضوا الزواج ويقولون الصدق يدورون اي شي يعيب غير انهم يبون تفكير مختلف وحياه مختلفه ليش لان الاهل للاسف يقابلون الكلام هذا بهجوم وشوووو عيب ماعاد الا هي تبي لك وحده تطامر معك لا خذ فلانه تطبخ ونظيفه وعاقله والبنت يقولون لها اخذي فلان رجال مهوب رخمه وش تبين بواحد متسامح معك في امور الحياه ويعتمد عليك في كل شي عوديه وسنعيه :( وهذا المجتمع للاسف غلط في غلط ..
شوفي الاوضاع السياسيه اللي يمرون فيها العالم فكرتي في عيالك اذا بكره قالوا ارجعي لديرتك وهذولا مع ابوهم واقري وشوفي الناس كيف يعانون نتيجه زواج خارج البلد مو تقولين مثقفه طيب ثقفي نفسك اكثر بالموضوع هذا الا اذا انتي بايعه عيالك عادي بترجعين وتخلينهم مع ابوهم الاوروبي مو انتي بعتي اهلك قبل وقفت على عيالك يعني ..
انصحك من اخت لاختها ارجعي لله اقري قران واستغفري واستخيري واذا ربي كاتب لك اللي في بالك بيتحقق واذا ربي ماكتبه فهو خيره لك .. وفيه قصة وحده في المنتدى قريتها تزوجت اوروبي لكن مو اي اوروبي طبعا مسلم متشدد وماخذها عشانها نشأت على الاسلام وتشتغل في مصلى او مركز المبتعثين وهو معها اقري وشوفي ..
الصفحة الأخيرة
ادخلي مواقع عالنت اجنبيه وتعرفي عليهم دردشي وشوفي راح تتقبليهم او يتقلبلوكي يمكن هنن ما يتقبلو ياخدو عربية ............؟؟؟؟
حلمك غريب والله بجد
يعني اللي فهمتو منك كمان انك رافضة تاخدي عربي ولو من غير جنسيتك ..........؟؟؟؟
طيب هاد حلمك وعالاغلب صعب تحقيقه ياترى راح تضلي بلا زواج لو ما تحقق حلمك او بالاخر بترضي وتتزوجي عربي من جنسيتك او من غير جنسيتك ....؟؟
الله يحقق حلمك مافيني قول غير هالحكي
بالتوفيق