لا للخلطات :

والله انتي ماشاءالله عندك شهادة جامعية ومعيدة ورضيتي في واحد ماعنده الا متوسط فهذا اختيارك قبل كل شي .. وانتي عارفه كل العواقب لما وافقتي عالزواج منه .. فـ مو معقولة توك الان تشوفين هالموضوع عائق .. اذا هو طموح وجاد خليه يكمل دراسته .. اذا ناوية على بريطانيا اسئلي اكيد فيه طريقة لاكمال الدراسة للي ما خلص اما بامريكا فـ فيه شهادة اسمها الـ GED .. يقدر يسوي اختبار في المواد واذا نجح ينعطى شهادة بدون دراسة .. وهالشهادة تعادل الثانوية العامة بس ترا الاختبار مرررة صعب مو الكل ينجح ماعندي تفاصيل عن الموضوع .. بس بامكانك تسئلي وتبحثي بس المشكلة اذا كان الزوج مو طموح ولا هو حق دراسة .. فانا برايي انك ما تجيبينه بالمرة .. احسن من انك تجيبينه ويكون لك عائق ويختلق المشاكل ..لأن مافي رجال بيرضى بجلسة البيت لا شغلة ولا مشغلة غير الجلسة مع الاطفال بالبيت وشراء المقاضي والاهتمام بطلبات المدام !! فـ ان قدرتي خليه يجي وياخذ لغة وان حب يرجع لعمله يرجع وانتي جيبي اخوك محرم او اي احد او اذا ماعندك مو مشكلة يرجع عادي الملحقية ماتدقق ولا تسئل ولا شي وانتي جاية دراسات عليا .. اذا ماستر مااظن تطولين كلها سنة سنتين وانتي مخلصة خصوصا في بريطانيا الماستر ممكن تاخذينه في 9 شهور بس اما اذا دكتوراة عاد الله يعينك ..مدة الدراسة طويلة كثير عموما استخيري ولا تفكري تجي الا وهو مقتنع 100000% وعنده هدف لجيته ..مو بس مرافق للمدام عشان ما يقلب سفرتك نكد والله يكون بعونك موفقة

والله انتي ماشاءالله عندك شهادة جامعية ومعيدة ورضيتي في واحد ماعنده الا متوسط فهذا اختيارك قبل كل...