شرعا لايجوز بقائك معه بسبب تركه للصلاه وبعدين هذا خطر على اولادك كيف بتربينهم زين وهو يهدم كل شي باأقل من ساعه فكري بعقل الأهم عيالك يطلعون ناجحين محترمين لايعانون من عقد نفسيه ولا كلام الناس لاحول ولاقوة الابالله

نصيحه ياختي تطلقي واكسبي راحة راسك احسن من تعيشين في مذله

يختي لاصلاه ولاعباده ومدت يد ووساخة لسان وماتبين تطلقين عشان كلام الناس؟؟

ترا الناس تهرج عالفاضي والمليان بالطقاق اهم شي صحتك وعيالك ربيهم تربيه صحيحه عالصلاه والاحترام خليك عند اهلك وربيهم وانتي مرتاحه نفسيا واذا بيرجعك اثقلي وارجعي بشروطك اما الناس لاتفكرين فيهم

فكري بربك قبل نفسك

قال الله تعالى: { إِنَّكَ لاَ تَهْدِي مَنْ أَحْبَبْتَ وَلَـٰكِنَّ ٱللَّهَ يَهْدِي مَن يَشَآءُ}

ياقلبي المازوخيه هي عكس السادية
يعني الشخص المازوخي يستلذ الاهانات من شريكة ويظن ان الضرب والشتم والتعنيف هي طريقة الشريك في اظهار الحب
يعني باختصار ماعنده كرامة
وهذا خلل نفسي جنسي
وله علاج
فإذا انتي حسيتي انك هالصفات مطابقه للشئ اللي تحسينه
انصحك تراجعين عيادة نفسيه
وانا والله ما اسخر ولا احاول اهينك بهذي الكلمات لكن كلمتك لما قلتي انك كلمتي زوجك وقال اكرهك ما ابيك وقفل بوجهك الخط ثم قلتي قال كذا عشان يبيني ارجع له البيت
يعني قال اكرهك وما ابيك وانتي تقولين قال هالكلام حتى ارجع له وانه يبيني
اجل اذا صار ما يبيك وش بيقول؟!!
هالكلمة منك هي اللي خلتني احس انك تعانين المازوخيه
عموماً تصرفات زوجك هي مجرد ردود أفعال لطبيعة تعاملك معه
وانا لمست هالشئ من ردودك
أنتي تحسين انك ضعيفه وان شخصيتك تدمرت وسلمتي نفسك وكرامتك وتقديرك لذاتك لهذا الانسان
وتحسين مابيدك شئ و انك مغلوبة على امرك
لا حبيبتي بيدك تغيرين وضعك
ارفضي الاهانات ولا تذلين نفسك لغير خالقك
اتركي هذا الوحش اللي في حياتك
راجعي اخصائيه نفسيه وتقبلي العلاج ولا ترفضين اي خطوة تطلبها منك الاخصائية
تجاوبي معها ونفذي
استعيدي نفسك من هذا القذر
لو مجرد تركه للصلاه وطلبه منك الحرام يكفي انك تشطبينه من حياتك
ربي اولادك في بيئه نظيفه هذا حق لهم في الحياه
والا ليش تجيبينهم دام بتقعدين تطردين ورى هالخسيس وترمين نفسك عليه
معليش يمكن قسوت عليك لكن انتي يبي لك ايقااااظ
انتي في سباات عن وضعك
وضعك لا يُحتمل ، بكره تخسرين كل شئ لو استمريتي بهالزواج
عيالك بيكبرون ويصيرون نسخة مصغره من هذا الوحش دام من الآن تأثروا فيه وشئ طبيعي يتأثرون
وانتي بتكونين ضيعتي شبابك وطموحاتك وخسرتي كل شئ فيك
كرامتك ، احترامك لنفسك ، دراستك ، استقرارك النفسي ...... كل شئ
من بكره روحي المحكمه واثبتي عليه كل شئ
وطالبيه بنفقه الاطفال
كملي تعليمك و اسعي لهدف معين
والعيال لا تسلمينه احذري هذا انسان مو كفو تربيه
وبإذن الله ربي يكون معك
وتذكري (لا يغير الله ما بقوم حتى يغيروا ما بأنفسهم )
اسعي وبإذن الله يوفقك ربي