مشكلتي! الله يسعدها الي تدخل

السلام عليكم
أتمنى يا خواتي تساعدوني و تقولون الصدق و ياليت محد يكذبني او يحط تعليق جارح وماله داعي!


انا متزوجة من ٤ سنوات و عندي طفلين ولد و بنت وانا حامل بطفل الثالث


المشكلة في أم زوجي
بقولكم عن علاقتي فيها ما بيننا ميانه و ما ارتاح معها أبدا
و ما اجيها الا من فترى لفترى يعني أوقات مناسبات فقط!




هي عندها من زوجها الاول ولدين الي هو زوجي و اخوه و الحين متزوجة و عندها عيال و بنات


المشكلة ان اخو زوجي من أم و اب جاله ولد قبل سنتين و أم زوجي سوت الحفلات و جابت انواع و أشكال الهدايا


وانا قبلها والده ب ٦ شهور جبت ولد ولا جاتني ولا طلت علي ولا جابت لولدي شي!
و حملت وولدت مره ثانية و جبت بنت و قامت الدنيا عندهم ليش ما سُميت البنت عليها و زعلت والى يومكم كارهه بنتي ولا تبي تدلعها ولا شي حتى بناتها اذا لعبوا معها تهاوشهم وتقول خلوا البنت والى يومكم ما جابت لولدي ولا بنتي شيء!!
لو عجوز ما عليها شرهه بس توها في ال٤٠
زعلنا انا و زوجي في البداية ولا عطت ولدها وجه!
وانا كل ما احمل اعلمها بحملي وبعد شهرين او ثلاثه في مناسبة حفلة ملكة ولدها ولازم نحضر وانا عن نفسي ما أبغى اعلمها عن حملي؟ لانها مارح تفرح ولا شيء
للمعلومية انا غير عن قبيلتها


أنتم لو مكاني وش رأيكم وش بتسوون؟
بالله عليهم تفيدوني انصحوني ترى ماعندي احد و امي مابي اقولها عن هالمشاكل لانها تشيل هم وهي تعبانه


يا مشرفات الله يسعدكم لا تنقلون الموضوع الله يسعدكم 🌸