انتي كلمتيه ووضحتي له الحلال والحرام خلاص حبيبتي طلعت منك له وماتدرين وش بينهم

الف شكر لكل وحده ردت علي والله يوفقها ويسعدها كل وحده دعت واسعدتني بكلامها الطيب
انا فعلا كلمته وقلت له واخرتها اليوم الصباح جاي وقلت له والله مايسير اليوم يوم ام فلان وهي ماعندها دوام واكيد تستناك وهي اصلا ماعندها خبر نهائي بزياراته الصباحيه رد علي معصب قال ( تبعصين جوي بهالسالفه ) وقال مالك شغل اجي مكان ماابي واني مو محاسب باللي بقلبي مع انه يصير غالبا بيننا بيومها مايصير بين الازواج لكن افوض امري الى الله ان رفضته راح يكرهني واخاف انه خلاص مايرتاح عندي وبعد كلامه سكتت مابيه ينفعل وغيرت الموضوع
مع ان امه واهله دايم يحرصونه عليها ويوضحون انها الكل بالكل وقدامي بعد والشهاده لله هي انسانه راقيه اخلاقيا ومثقفه وطيبه ربي يرزقها ويعطيها ع قد نيتها وطيبها معي حتى يوم زعلت ورجعت مانكدت عليه وعلي وتزعلت وسوت سوالف والحين علاقتها طيبه معه ومابينهم مشاكل ان شاءالله لكن هذي عاده له من يوم تزوجته

الله يسعدكم ويألف بين قلوبكم يارب
خليك من موضوع زوجته كيف يطلع من الدوام 9 او 11 يعني قبل الموعد فكري في راتبه ...انا زوجي يطلع بدري وشايلة هم اننا ناكل لقمه حرام بسبب تضييع الامانة ... صدقيني لو خاف الله في عمله راح تتعدل الامور لانه راح يطلع في وقت معين ولافي لف ودوران ..

صراحه سؤالك مره حسسني انه فيه شي غلط
بالعكس وش فيها هذي الزيجه ومافيها شي يجبر ولا من هالكلام زيجه ع سنة الله ورسوله وبرضا تام من الطرفين ماعدا زوجته وبشروط قويه مني ومن اهلي
انا تزوجته صغيره وهو صغير وكنت اساسا بنت واصريت ع اهلي اني اخذه وحتى امي زعلت مني الى بعد الزواج بشهور لكن ابوي قال دامك تبينه ومافيه شي يعيب راح تاخذينه مع العلم انه مب ملياردير لو احد فكر اني اخذته عشان فلوسه بس يشتغل وظيفه حلوه حكوميه واللي خلاني اصر اني اخذه كنت اسمع انه محترم ومدلع مرته ومحافظ والشيبان يحبونه ويحبون جلسته ودايم بابه مفتوح للناس
والله فيه بعض المتزوجين وافضل من الف شاب
اتمنى تفهمين كلامي صح وماتسيئين الفهم احيانا اقارن نفسي ببنات بعمري اخذن شباب والله فرق العيشه بيني وبينهن ازواج خاينين ومايسافرن ولايطلعن من البيت وانواع المشاكل والبخل لامصروف ولاشغاله ولا سفره ولاتمشيه وانا ساكنه بدبلكس وعندي شغاله يعني مملكه خاصه وكبيره علي انا وولدي غيري معها خمسه بايجار وهو انسان مايقصر نسافر ونروح ونجي بالصيفيه 15 يوم لي
و15 يوم لها سفره خارجيه قسم بالله خمس سنوات كل صيفيه كذا ونتمشى ونطلع كل ويكند مطاعم كوفيهات ماحسيت ان عنده زوجه غيري يعني العيب واللي يعتبر عند بعض الحريم عيب هو ان عنده زوجه وانا راضيه بهالشي كله حلال بحلال
ويشهد ربي انه انسان محافظ مااقولك مطوع بس له مكانه بعمله واجتماعي وراعي واجب وسمعته حلوه ويوم عاشرته ماعنده من حركات الرجال وكذبهم كل شي له حد حتى جواله يعطيني اياه اكتب له رساله او ابحث له بالنت يعني انسان واضح واول ماتزوجت من حبي له القوي افتش عليه حتى بسيارته من خوفي واسمع بخيانات الرجال ويوم عرف اني افتش ضحك وقال مع الوقت بتعرفيني وانا يوم اشتهيت الحريم خطبتك وحطيتك زوجة ع زوجتي وماخفت من زوجتي ولا من اي شخص رحت ادور الحلال
يعني للامانه انسان محافظ جدا الله يحفظه والحمدلله حياتي جدا مرتاحه الله لايغير علي وزوجته انسانه رائعه بمعنى الكلمة ع دخول هالشهر ارسلت لي طقم صحون شوربه فخمه وتقديمات حلوه يعني صعب اوصفها صراحه انسانه عجيبه ماشفت مثلها لكن رافضه اختلاطي فيها او حتى مكالمتي لها وانا مقدره لها هالشيء 🌹

• بنات تكفون قولولي كيف ادخل تجمع نقص فتامين د 🤒
• ادري مكانه مو هنا بس ردو الله يسعدكم 🌷🌷