مشكلتي اللي مو راضيه تنتهي.. ساعدوني 💔

سلام عليكم وصباحكم خير جميعًا
والله إني أكره أتكلم بمشاكلي لكن هالمشكلة مأزمتني وأرهقتني جدًا وكرهت الحياة بسببها.. محتاجه مساعدتكم وحلولكم
من يوم صرت بثاني جامعة وأنا ثقتي بدأت تضعف وصرت ما أقدر أطالع بعيون اللي أكلمهم مثل الناس الطبيعين ! تخيلوا يا بنات إن فيه كلام جوايي وعندي القدرة بصياغة الكلام لكن لما أتكلم أتعلثم وأغلط واللي قدامي حاسه إنها تستنكر هالشيء وتقول وش فيها كذا !! فيه بنات يحاولون يتعرفون علي لما تخصصت بالسنة الثانية ( زي أي زمالة تبدأ ) وأنا أبيهم وطيبتهم واضحه وكل شيء فيهم طيب لكن أنا بأسلوبي هذا يحسبوني أبعد عنهم وأسلك لهم بالكلام، ولو يدرون باللي جوايي والله إن تتغير نظرتهم فيني 💔 أنا أحب أشارك بالأشياء التطوعية وأحب علاقاتي تكون مع الدكتورات كويسة لكن هم أحسهم يحبطون من أسلوبي الخامد ويقولون وش فيها ما تعرف تتكلم كلمتين على بعض !! لا تقولون لي لا إنتي تحسين كذا والله يا جماعة إني أعرف وأفهم اللي قدامي 💔 مو عن عرافة ولا يعنني مدركة كل شيء بس أنا أحس بالشخص اللي قدامي واللي يواجهني .. كل يوم أداوم بنفسية حلوة وأتكشخ وأقول اليوم غيرر وبتصير ثقتي أعلى وأكلم البنات وأتعلثم وينعاد نفس السيناريو وللأسف جميع محاولاتي باءت بالفشل في كل يوم
الآن صرت بسنة التخرج رابع وللحين تواجهني هالمشكلة وكل يوم أبكي وأحاول أمسك نفسي من الدعاء إن الله ياخذني من هالدنيا اللي أوجعتني كثير وما خلتني أعيش سنين جامعتي بهدوء وبكل راحة واللي كل بنت مفروض تعيشها بسلام وتكون أحلى سنوات عمرها..
يمكن تتسائلون عن شكلي وتقولون تسبين نفسك وتصتصغرينها عشان كذا صرتي بهالحاله .. لا والله
إن شكلي الحمدلله عاجبني وقنوعة جدًا بما أعطاني الله ولا أعاني من هالنقطة بشيء..
محيطي العائلي مزعزع من فترة طوويلة وأقرب للتفكك.. وأمي الله يسامحها تقارني بغيري وتحطمني كثير وتسبني 😁
ممكن أحد يقول لي وش الحل؟ أو وحده مرت بهالحاله وتحسنت؟ (بدأت اقرأ سورة البقرة بنية إن الله يرفع ثقتي بنفسي والله ييسر لي أمري 💔)