مشكلتي اللي مو راض تنحلها

طيب السنه هذي اقحمي نفسك معهم مو انتي بتسافرين معهم خلاص يعني بتكونون مع بعض

قربي منهم لكن اذا بعدتي عنهم قالوا ماتبينا وبنفس الوقت يتعودون انهم يصيرون لحالهم

ومايتقبلونك اذا دخلتي معهم ،،

من البدايه من بداية السفر تداخلي معهم وبيني لهم حاليا انك مشتاقه للسفر ومستعجله عليه،

مااقولك الزقي فيهم ولااقولك صدي عنهم مره ،،

يعني مو معقوله طول السفره وانتي لحالك يمكن تنبسطين اذا قربتي منهم جربي،،

اما عيالك خليك وراهم واذا وسخوا المكان نظفيه واهتمي بلبسهم وبنظافتهم عند عماتهم

وساعديهم بتصليح القهوه والشاي اقول هالكلام لان فيه بعض امهات غافلات وإتكاليات،،

زوجك رفض يمكن يبيك تكونين معه ماينبسط الا اذا رحتي معه..

هوني الأمر يا عزيزتي فالموضوع لا يستحق كل هذا القلق !!

أخت زوجك أصغر منك و عليك يا غاليتي أن تحتويها بلطفك و حنانك

و هي كم تقولين مريضة اذا خذيها على قدر عقلها و تأكدي أن ما تقوم به

خارج عن أرادتها !

أذهبي و اضحكي و افرحي و انبسطي و أبسطي زوجك و اولادك معك

و تأكدي أن هذا الشيء لن يفرح أخت زوجك اذا كانت فعلا لا تحبك ,,

و لا تدعي الخوف و القلق يعكرون عليك اجازتك !

و أحمدي الله بأن رزقك بزوج طيب صالح بار بوالدته و أخواته

فهذا الشيء سيؤثر عليك و على أولادك الذين سيكبرون بهذا الجو من البر و الاحترام

و بالتالي سينعكس هذا الشيء على تعاملهم معك و مع والدهم عندما يكبرون ,,

لذلك أحسني لأمه و تكلمي معها و املكي قلبها باحترامك و توددك لها

و بهذه الطريقة ستملكين قلب زوجك ايضا .

وفقك الله و سخر لك زوجك و أهله

شوفي حبيبتي الي ماه لسان ياكله الخنفسان
تراه ماخلى اخته تتمادى عليك الا سكوتك لها ردي عليها وخوذي حقك ولاتسكتين انا مثلك اذا قالي احد شي اسكت لكن تعلمت ان الناس ماتحترم ولا تشوف الا الي يرد وياخذ حقه اما الي يحترم مثلنا ويقول انا تربيت كذا ماراح ينفعه هالكلام بهالزمن لان الناس يستضعفونه هو صحيح صفه زينه وانا اموت على الاحترام لكن والله الناس ماتستاهل الاحترام ابدا
انتي عندك حلين اما انك تروحين بس اذا جاك منهم كلام ردي عليهم بطريقه مؤدبه اهم شي تاخذين حقك او انك ماتسافرين معهم يااختي وش الي حادك مدامك تبي تنغثين من هالسفره

مشكله بعض اخوات الزوج انها تسعى لهدم بيت اخوها وتنكد على زوجته وبكره تنخطب وتزوج بعد خراب مالطا ..

مادري عن علاقتك بام زوجك واخواته الثانيات هي علاقه وديه ام لا .. وان كانت وديه حاولي تفضفضين لاقرب وحده فيهم من نفسك .. والحمد لله انها ماهي بساكنه معك بنفس البيت ..


**** نصيحه لاخواتي ( اخوات الزوج ) اعلم ان الغالبيه ان شاء الله مع حريم اخوانها مثل الاخوات ولكن البعض تسبب في خراب بيوت اخوانهن .. وليعلمن ان الله يمهل ولايهمل فليتقين الله في انفسهن وفي حريم اخوانهن ..
ولاننكر ايضا ان بعض الحريم لادخلت على الحموله الا نفسها شينه ولايصير شي الا ناقلته لاهلها ولاهي كتومه على اسرار زوجها واهله وان شاء الله ان اختي الكريمه كاتبه الموضوع بعيده عن هالامور ..

الله يوفقك ويحبب فيك خلقه

الأنوثه الشامخه<<<<<<<<<<< الله محيي أصلك على قولة باب الحاره.. بس شكلك واصله معك :)
وأنا يا (على عيني) مع الأنوثه الشامخه.. أقول سافري ووسعي صدرك ولا تهمك.. حرام تخربين على نفسك عشانها وهي ماتستاهل.. تلقينها هي بتنبسط وانتي اللي ماكله الهم..
خليك طبيعيه ولا تهمشينها مره عشان ماتحتد المسأله أكثر
واذا أحد ضايقك لا تخلينها بنفسك وتسكتين.. ردي بطريقه حازمه ومؤدبه هذا حقك وماحد يقدر يقولك شي.. وأولهم زوجك لأنه واضح انه مخليها بينكم ما يبي يتدخل.. واذا قال شي قولي وينك من زمان وانا اشتكيلك عمرك ما سمعتني.. هالحين اسمحلي ماعد اسكت على اللي يغلط علي ..
وابد.... خلي الوناسه هي كل تفكيرك...