مشكلتي المستمرة 3 سنوات مع زوجة حماي

السلام عليكم

شلونكم حبيباتي والله وانا اكتب هالموضوع وانا دموعي على خدي


ماكتبت هالكلام الا لثقتي فيكم وانكم ممكن تساعدوني وتشورون علي بشي يفيدني


انا اول مادخلت بيت زوجي كان دخلتي عليهم بنفس الوقت الي دخلت فيه مرت حماي

للعلم انها اكبر مني بسبع سنوات وبالصدفة ان انا وهي درسنا نفس التخصص ونشتغل نفس الشغل


بس بمكانين مختلفين ...


الموضوع ابتدا اني انا كانت نيتي طيبة وصافية من اول مادخلت بيت عمي كنت فرحانة ان بتصير معاي وحدة يعني حلو لما نطلع انا وزوجي مع اخوه وزوجته طلعة جماعية وكنت دايم اقول لزوجي هالكلام وكان يقول لي هذي زوجة اخوي

مايصلح احد يطلع معاها ماتستاهل

كنت دايم لما ادخل بمكان واشوفها اسلم عليها مع انها ترد علي من دون نفس وهذا اذا ردت ولما هي تدخل بمكان انا فيه

تسلم على الكل الا انا .... ولا ادري السبب ليش كانت من البداية ماتشهتيني .. كان اوقات زوجي يسمع من والدته او من اخوه ان زوجة اخوه مريضة

فأتصل لها واقول لها ماتشوفين شر ومن هالكلام يعني اسئل عنها وأقوم بالواجب


لكن اهي بحياتها ما اتصلت لي سواء كنت مريضة ولا فيني شي ولا حتى لما صادني حادث

وكنت بعد انا اسئل عنها


وبعد سكت وكانت امي تقول لي دايم صيري انتي احسن منها وكبري بعيون زوجج واهله وكنت اغصب على نفسي

واسوي الي يبونه مع انها بالمقابل ما اشوف منها شي


دارت الايام وصارت مشكلة ما احب ادش بتفاصيلها وكانت اهي الغلطانة بالموضوع وبعد انا تنازلت عشان خاطر امي وزوجي وعمتي وعمي الي كانو يكلموني يقولوون لي اهي مابتتقبل ومابتفهم ولان انا الصغيرة لازم اتنازل


كالعادة وكنت اضغط على نفسي وبعد انتنازل

بس من بعد هالمواضيع هذي صرت اسوي مثلها لين ادخل مكان وهي فيه ما اسلم مثل ماتسوي لي

من بعد ثلاث سنوات توهم مفكرين عمي وعمتي يصلحون مابيننا وبعد عشان خاطر البرنسيسة قال عمي مابي ادش بتفاصيل وياكم بالمواضيع الي فاتت ومن كان غلطان ومن على صح بس ابيكم تبدون صفحة جديدة مع بعض


ومن وصلها الخبر ان عمي يبي يقعد معاي ومعاها ماقامت تجي بيت عمي عشان ماتنحط بموقف انها تضطر تكلمني او تكلم عمي

تخيلو يا بنات من كثر ان اهي ماعندها اخلاق ولا احترام كنت انا مسوية عزيمة في بيتي عازمة الاهل

وانا ماقلت لها تجي بس الظاهر عمتي قالت لها .. وبكل وقاحة وقلة ادب حضرت وسلمت على الموجودين وباليد بعد وانا صاحبة البيت ماسلمت علي ولا كلمتني

قلت يمكن بدخلتها لان المكان زحمة ماعرفت تسلم بس ظلت للنهاية وطلعت وماكان فيه احد وبعد ماسلمت علي

تخيلو وحدة ماتشتهيكم تدخل بيوتكم وتاكل وتطلع ماتعتبرونها قلة ادب؟

الكل في بيت اهل زوجي يقولون انها قليلة ادب ومب متربية بس بكل موقف يصير يبوني انا الي ابتدي فيه سواء كنت على صح او غلط بس لاني الصغيرة ولاني اتقبل الكلام واتفهم

بس مو معناته ان حقي يروح

اهي صادها تأخير بالحمل لمدة سنة وشي تقريبا من تزوجت ... اهي تزوجت قبلي انا خطوبتي طولت شوي

وبعد ماتزوجت انا اهي حملت وانا الحمدالله مباشرة حملت من زواجي بس ماكانت تدري .. وكانت كل ماتشوفني تسوي نفسها تتألم ولا تتوجع من الحمال وتقول البيبي يرفس ولا ويسوي كذا عشان تقهرني لكن لما عرفت ان انا حامل ماقامت تقول هالكلام


((( امس )) اهي ولدت ولادة قيصرية انا قلت لزوجي لو شنو يصير مابروح لها ... بحكم المواقف الي صارت قال لي لا تروحين لها بكيفج انا ما بغصبج تروحين

من شوي قبل ما اكتب الموضوع هذا امي اتصلت لي وتقول لي ان زوجي اتصل لها ومنحرج لانه راح المستشفى والكل سأل عني وماعرف يرد عليهم ... ويبي امي تكلمني عشان تقنعني اروح مايبي هو يقول لي اروح لها


ليش حتى بعد المواقف الي صارت بعد يبوني انا الي ابتدي واذا مارحت هالمرة كل الي فات من مواقفي العدلة تنسي واكون غلطانة واصغر بعينهم ...


دايم بكل مرة حقي ينهضم

شورو علي :06: