خيال الحلم @khyal_alhlm
عضوة جديدة
مشكلتي الولادات المبكره
السلام عليكم ورحمة الله وبركاته مساكن /صبحكن الله بالخير :42: كيفكم ياحلى خوات انا هاليومين محتاره ومتضايقه كثير والله احسني مانام زين من كثر ماوسوس واهوجس هذا ياطويلات العمر انا متزوجه من خمس سنوات وعلى ابواب السنه السادسه بحول الله وقوته عندي ولدين الاول جبته على سبع شهور صار عندي تسمم حمل وسوولي قيصريه والحمد لله الله نجاني انا وولدي يارب لك الحمد والحين عمره اربع سنوات وثلاث شهور الله يحفظه والثاني كمان جبته على سبع شهور بس هالمره صار معاي نزيف شديد بدون الم الطلق وسوولي قيصريه كمان والحمد لله انا ووليدي باتم الصحه والعافيه يارب لك الحمد وعمره الحين سنتين وثلاث شهور جبتهم بنفس التاريخ 20/2 المهم انا الحين حامل دوبني باول شهر وخايفه كثير هالمره وش بيصير معاي وافكر واهوجس بالعمليه والعدد المسموح به للاولاد لاني احب الاطفال كثير وزوجي بعد ابغى اللي تعرف كم العدد اللي مسموح به للولاده بالقيصريه وكمان اذا تركت زمن طويل نسبيا بين الحمل والحمل مثلا اربع او خمس سنوات هل هذا يخلي الرحم يقوى شوي وجرح العمليه يلتئم مزبوط ويساعد انو اجيب اطفال كثير ان شاء الله انا ادري ان كل هدا بعلم الله بس ياليت تدعولي دعوه صادقه انو الله يربط على قلبي ويرزقني الذريه الصالحه حتى ارضى وادعولي من قلب يكون حملي هذا بتوام سليمين معافيين ويتم حملي بهم على خير والله يرزق اللي تدعيلي وترد علي باللي تتمنى امييييييييييييييين يالله
13
1K
يلزم عليك تسجيل الدخول أولًا لكتابة تعليق.
اخت غاده
•
الله يرزقك ما تتمنين
الله يقومك بالسلامه انتي والبيبي وتكملين شهرك انا مثلك ولدت ولدي الاخير قيصري بسبب نزف شديد لان المشيمه انفصلت واحس باللي عانيتيه والحمد لله على كل حال انا مرت اخوي كل ولاداتها الاربعه قيصري والان حامل وهي اولادها وراء بعض ماشاء الله واعرف من جماعتنا جايبه سته لكن بعدالخامس العمليه القيصريه بالطول وكلي امرك على الله والله يكتب لكي اللي فيه الخير والله يرزقك بالتوائم السليمين وتقر عينك ويفرحك بهم
الله يجزاكم خير اللي رديتو علي والله مجرد دعوتكم لي فرحت قلبي الله يسعدكم ويرزقكم ماتتمنون
الله يرزقك ويفرح قلبك يارب اختي لاتفكرين روحي لشيخ يقرا عليك طول فترة حملك والله يسهل عليك.
الصفحة الأخيرة