مشكلتي اليأس والقنوط

السلام عليكم


مشكلتي اليأس والقنوط من كل شي احبه
مدري وش السبب!!
اذا جيت ادرس تجيني ضيقة كبر السماوات والارض واحس اني ماراح اجيب درجات وايأس واقنط واترك المذاكرة وطبعا درجاتي زفت..
كل شي بالحياة احبه عندي مرض اليأس والقنوط به
انا اعرف السبب ليش انا عندي يأس وقنوط
السبب لاني ابي اشياء احبها وماتحققت كثييرة وكلها مهمة لي
ف صابني مرض اليأس والقنوط من كل شي احبه وكل يوم يجي انتظر الاشياء اللي احبها تجي مي راضيه تجي وهذا يزيد بمرض اليأس والقنوط عندي


المهم ابي علاج بنات للمشكلة هذي وانا اتوقع علاج هذي المشكلة اني احقق رغباتي المنتظرة ف عندكم طريقة تحقق امنياتي ؟؟
امنياتي: ابي تجي فلوس لأهلي تكفي بناء بيت جديد لان بيتنا هو مصدر الضيقة اللي بي اعتقد.، لانه سيء ويجيب الضيق شكله
الامنية الثانية ابي الله يشفيني من مرض بعظامي شلون ماادري ماني قادره اتعالج علشان الجامعة مااقدر انقطع عنها وبنفس الوقت مطوله عن التخرج واقول جوا نفسي ينفع الله يشفيني بدون علاج مادي لان هالشي مضايقني وواصل بي حدي
والامنية الثالثة ابي اجيب درجات حلوة نوعا ما لكن مو قادرة من ناحية اليأس والقنوط والمشاكل الثانيه مأثرة ع نفسيتي: '(
انا سمعت محاضرة روووعة لتفريج الهم اذا تبونها احطها لكم
لكن هل تنفع معي الادعية المذكورة بالمحاضرة وهي الاستغفار والصلاة ع محمد وادعية اخرى ؟؟
كل امنياتي شبه مستحيلة كيف الله يشفيني بدون علاج
وكيف تجينا فلوس كثيرة تكفي بناء بيت حلو وجديد والامنية الاخيرة تعتمد ع نفسيتي ومو قادرة اجيب درجات لاني اكره الجامعة كره فااااادح وعلشان رغباتي الثانيه


انتظركم تراني جادة بمشكلتي وابحث عن حل
وماشاءالله علي كل مواضيعي هموم ومشاكل بالمنتدى
مدري متى يجي اليوم اللي اكتب قصتي واقول الله فرج همي وحقق امنيتي وادلكم عالطريقة: '(