مشكلتي امي

السلام عليكم
انا متزوجه من خمس سنوات
عندي طفله عمرها سنتين
بنات مشكلتي امييييي
من يوم كنت بنت مادري ليه
كانت مستحقرتني امي جدا
مادري ليش وكل كلمه انتي تشبهين
اهل ابوك تزوجت حياتي مع زوجي جدا عاديه زي كل متزوجه لابد من المشاكل
فيه ام تجي تقول لبنتها ماراح يحبك
شكلك عادي والرجل مايبي شكل كذا
طنشت بس اللي انفجرت فيه
اكتشفت امي ترسل اختي ام ١٨ سنه
لزوجي بالسناب وملامح اختي اكبر
مني صدر وجسم وحلوه اختي ذي
كلمتها قلت لها وش قصدك الحركات
ذي يعني تبين توضيحن لزوجي ان
فلانه احسن من فلانه ترا زوجي
مستحقرك بعد الحركه ذي وطنشتها
وحذفتها من سناب زوجي مانكر ان قلبي
محترق نار وخاصه زوجي يقز اختي والسبب امي
اكتشفت قبل كم شهر زوجي يكلم وحده
وجالس يقولها فتره وبتزوجك وكلام كثير
جن جنوني رحت ابكي عند اهلي وقلت لهم
كل شي فيه من اخواتي من وقف معي
وفيه ضدي
امي بكل قوه تقول وبرود
الحين ملكات الجمال رجالهم تزوجو
عليهم وجايه تبين تطلقين عشان بيتزوج
عليك خليه يتزوج كيفه
الرجل محلله اربعه
اول مره بحياتي انفجر ع امي
قلت لو الحب واي بنت عاديه يتزوج
عليها زوجها المفروض اول من يتزوج
عليك ابوي لانك بكل صراحه مو حلوه
وكنتي تنجني اذا اكتشفتي ابوي
يكلم او حاجه بالماضي وانا صغيره
وقلت لو على الاشكال المفروض اول
من يتزوج على زوجي انا شايفه شكله؟
لان زوجي مو حلو قالت هو رجل مايهم شكله
امي واقفه مع الرجل ضدي
من يوم كنت بنت وهي محطمتني محسستني
اني اوحش مخلوقه لما كبرت صرت ارمم نفسي وثقتي
لما اكتسبتها شوي رجعت لي اشد من قبل يوم تزوجت
تحطيم بكل شي بالشكل باللبس بالجسم بالبشره
اشياء توحش لو اقولكم يبي لي مجلدات
انا مادري امي مريضه نفسيا
او تكرهني
زوجي عارف طبع امي وزمان باول زواجي
قال استغربت امك تمدح بنات عندي
بكل جلسه بكل جلسه تجيب سيره بنات
من نفس منطقتنا مشهورين ببياض او اجسام
وتوصلهم لحوريات بس قدام زوجي
ومره بنت صديقه امي تهاوشت مع زوجها
وجت عند اهلها زعلانه
قالت امي لصديقتها
غريبه عاد بنتك حلوه ومزيونه
لو انها موب زينه قلنا يحق له
انا دور وجهي تفشلت حتى ام صديقتي
شكلها شرهت على عقل امي ان تفكيرها كذا
انا احب امي واحاول قد ماقدر ابر فيها
لاكن هي مادري ايش فيها علي
لو احلف لكم تشوف ابليس ولا تشوفوني يمكن كاتصدقو
لو احلف لكم اني معاي بنت وعمري قريب
٣٠ والى الان اخاف واستحي من الناس ويدي تنتفض
اذا دخلت ع ناس غريبه ولا اعرف اقول كلمتين
ع بعض اتوتر بشكل خيالي من اللي زرعته
فيني من الصغر