مشكلتي انا واهلي

مساء الخير على الجميع
هذي اول مشاركه لي في المنتدى ويشرفني اني اطرح مشكلتي على عضواتنا الكريمات اللي دايماً يتحفوننا بأرائهم وردودهم القيمه
مشكلتي يااخوات اني انسانه هاديه وحساسه حبتين ولا احب ادخل في مشادات كلاميه وبنفس الوقت مااحب اجرح احد لكن احياناً الموضوع يزيد عن حده خاصةً مع اهلي الاحظهم دايماً ينتقدوني ويعارضوني في اي رأي اقوله وبالنهايه يرجعون يسوون اللي شرت فيه عليهم لكن بعد ايش بعد مايتريقون علي ... انا يابنات الحمدلله علاقتي معهم حلوه الى حد ماتتصورونه وهم نفس الشي لكنن امي واختي الكبيره دايماً معارضيني في اي شي واخذين عني فكره انه انا دقيقه بذوقي و برأيي وبكل شي وانا ماانكر عليكم احب الدقه في اي شي وذوقي دايماً يعجبهم بس يكابرون ويشبعونني تعليقات وانتقادات ,, مااكذب عليكم يابنات هالشي يحبطني ويحز بخاطري حاسه اني بديت اصير سلبيه معهم حتى رايي ماصرت اقوله بثقه زي اول صرت دايم اردد كيفكم , اللي تشوفونه

الشي الثاني يابنات امي الله يهديها ماتحس بمشاعري تحاول تتعامل معايا احياناً بجفاف مع انها مملكه للحنان والعطف بس لما تشوفني معصبه اوزعلانه من موقف صار لي معها اومع خواتي تعصب علي وتزيد الطين بله وتقعد تهاوش علي مع اني مارد عليها اجل وشلون لو ارد وادافع اجل وش بيصير؟؟
احاول اجاهد نفسي ودايماً احط نفسي انا الغلطانه علشان مايكبر الموضوع ,, بس يابنات الى متى وانا اعيش مع اهلي بهالطريقه ومالي غير دمعاتي هي اللي تفرج عني شوي
بنات الله يعطيكم العافيه لاتحرموني من ردودكم واراءكم والله اني قاعده اكتب لكم وانا راس مصدع من هاسالفه