مشكلتي انا وزوجي واهله حدا يساعدني وجزاكم الله خير

السلام عليكم ورحمة الله وبركاته اتمنى اخواتي اسمع ارائكم بمشكلتي انا من سوريه وبنت مدينه والحمدلله الله عاطيني الخلق الحسن والجمال احمد ربي واشكره ع هالنعمه خواتي اناكنت بدرس بقريه وكان في معي استاد من نفس القريه مؤدب ومحترم لابعد حد كنت معجبه في كتير رغم انه شكله مو حلو بس كانت اخلاقه تجنن كان ازا بنت توقف تحاكي بحط عينه بالارض المهم هو كأنه حبني لنفس الشي لادبي بس طبعا بدون مبالغه انا بجنن كنت المكان الي بروح في اتخطب بس كانت ماما الله يرحمها ماترضى ازا مو شب بمستوانا متلي حلو وابن عيله ومعه شهادة جامعيه يعني دكتور مهندس محامي هيك شي المهم مرضت ماما وتوفت وكانت الصدمه قويه كتير علي لانه انا وهي كنا رفقات وخوات وكلشي كانت بحياتي طبعا والدي متوفي وانا بالصف الثالث ولقيت الاستاذ الخجول وقف معي لحتى صرت منيحه وتحسنت وتعديت مرحلة الانهيار وهون كبر يعيني كتير طبعا كان يحاكيني يواسيني يشجعني بلا طول سيرة صرنا نحكي مع بعض وبصرحه حبيتوا كتير وبعد شهر استشهد اخي ورجعت نهاريت وكمان وقف معي وبصراحه عانيت كتير بسبب الوضع الي نحنا في نزحنا لكل مكان بسوريه اخر شي قلتلوا تزوجني قال اي وتزوجنا ورتحت معه كتير لمدة شهر بعد الشهر بلشوا خواتوا يخانقوني بدهم روح اشتغل بالاراضي افلح وازرع واحلب بقر طب انا شو بعرفني وهيك كترة مشاكلنا المشكله جوزي شخصيتوا ضعيفه قدام اهله كتير كانوا يهينوني ويسبوني واحيانا يجيو ليضربوني وانا كتير جبانه بخاف مابحكي شي وجوزي كما مايحاكيهم يقلي صبري المهم ضليت صابرة سنه فقعت مرارتي من جبنه وضعف شخصيته وحردت لبيت اهلي المهم بعد شهرين رجعني وسكنا بشقه لوحدنا بس هون كتشفت في شغلات كان بيفطر يتغدا يتعشى عند اهله بس ينام عندي وكان ينسى يجيبلي اكل وكنت ضل يوم او يومين بدون اكل وكانت الكهربه تضل مقطوعه وكنت اقعد لوحدي بالظلام حتى شاحن ماعندي ضوي في ومرا انقطعت من المي خلاني 5ايام من دون مي في براد تحت الشقه بنزل عبي عشان اشرب وعشان الحمام وهو مو حاس فيني لانه عند اهله تخانقنا وكبرت مشاكلنا وكل يوم بطلب الطلاق منه لاني رح جن يتركني. لوحدي بدون ضو صرت شوف اشباح بالبيت وما بعرف شو بساوي استمر معه ولا اطلب الطلاق افيدوني جزاكم الله خير