مشكلتي اني بدوية وتزوجت حضري (وعذااااابي)

انا حاسة ومقدرة احساسك ووضعك ... شوي شوي الامور بتتغير .. لكن اهم شي تكوني ذكيه .. لو زوجك يبغى حضرية كان زي ما قلتي خطب له اي وحدة ثانيه .... ما فيها شي الواحد يتعلم ويشوف ... مادام عنده اخوات حاولي تقربي منهم وتعرفي ايش سلوكهم كيف طريقة لبسهم من فين يشتروا ملابسهم .... او روحي مع زوجك وخليه هو يختارلك ملابسك .... انا مع اني افهم باللبس اكثر من زوجي احاول اني اخرج معاه واخليه هو يختار لي لبسي .. يا بنت الحلال مافي شي في الدنيا مستحيل الكتب مليانه والتلفزيون والانترنت ماخلا شي ... بس لاتكبري الموضوع وخليكي ذكيه ومفتحهه للي حواليكي .. وما عليكي الناس في جميع الاحوال بيتيرقوا ... والله اي شي تبغي تسالي فيه مستعدة اجاوبك لكن انا ما اعرف انتي تبغي تعرفي في ايش ؟؟؟

السلام عليكم ورحمة الله ..،

اوكي حبيبتي ..، أول شي ..

لا تحاولين تتغيرين قدام أهلك .. لا تغيرين لهجتك قدام أهلك أبداً ..،
قدام اهل زوجك .. بهالفتره الجايه حاولي تكونين لطيفه ومبتسمه دايماً بس لا تكثرين كلام ..،
حاولي انك تسمعين أكثر من انك تتكلمين ..
لأن بهالطريقه بتوصلين للي تبينه انك تتعلمين منهم ..
واذا كان فيه شي غريب عليك .. مثلاً البوفيه مثل ما قلتي ..
لا تطالعين كثير .. كأنك ما قد شفتي زي كذا .. اتركي الوضع عادي ..
ولا تتوترين .. شوفي الناس كيف يسوون وسوي مثلهم ..،

شي ثاني فيه بعض النساء البدو تكون ما شاء الله عن ألف رجال ..
هذه لها إيجابياتها وسلبياتها ..،

بالنسبه لي ما أحب كذا .. إذا فيك هالطبع .. انسي انك كنتي ترعين غنم وكل كل هذا ..
تذكري إنك أنثى وبس .. وتصرفي كـ أنثى نعومه ..

وخففي لهجتك اذا كانت بدويه بحته .. أساساً طبيعي جداً مع عشرتك مع زوجك .. بتاخذين منه كلام وهو بعد بـ ياخذ منك .. يعني حتى من غير تصنع او تكلف بتلقين نفسك تتكلمين مثله ..،

الأكل مبدئياً أبسط شي لا تاكلين بيدك .. والله مو عن تكبر بس انا شخصياً ما ارتاح للأكل باليد أبد ..،
السكينه تكون بيدك اليمين والشوكه باليسار ..
يعني نفرض انه فيه قطعة ستيك (لحمه) .. تمسكين الشوكه بيدك اليسار وتحطينها على اللحمه يعني كيف اشرح لك .. تغرسينها فيها يعني .. واليد اليمين تقطعين فيها القطعه اللي بتاكلينها ..،

اذا تبين تاكلين باليمين .. عادي .. سوي نفس الطريقه وقطعي قطع صغيره ..
اذا جيتي تاكلين اتركي السكينه وكولي بالشوكه بـ يدك اليمين ..،

والله فيه أشياء كثير بس هذا أبسط شي ..
اذا تبين نتعاون احنا والبنات نفتح موضوع لـ أصول الإتيكيت وتقرينه تتعلمين منه ..،

بالنسبه للبس إذا زوجك غني ومقتدر ويعطيك مصروف حلو ويكفيك ويزيد بعد ..،

اهتمي بـ شنطك وساعاتك انها تكون ماركات ..

امممممممممم فيه اشياء كثير .. انتي حددي بالضبط ايش الشي اللي تبين تتعلمينه .. و وحده وحده ان شاء الله بنكون معك ..

بس انتي لا تشيلين هم .. هو اختارك انتي لأنه يبي بدويه .. وان شاء الله ربي يسعدكم طول العمر ويهدي بالك ..،

لا تنسيني من دعائك ..

اختي العزيزه

قريت مشكلتج واحب أساعدج بكثر ما أقدر وبحط نفسي في موقفج

اولا اهم اخطبوج ويدرون أنتي منو ومن بنته وين كنتي عايشه هذا الشيء لازم تفتخرين فيه لاتغيرين طبعج وأصلج واتحاولين اتقلدينهم اذا قلتيهم بكل شيء بتحسن بنقص أكثر وهوما بينتبهون بالهشيء أني قاعده أتحاولين اتقلدينهم ( خليج على أصلج وكوني وااثقه من نفسج لاتعطين مجال احد يقلل من هذا الشيء ) جذيه تكبرين بعينهم ويحترمونج اكثر

ثانيا حبيتي لهجتج لا اتحاولين اتغيرينها لا اتحاولين اتكلمين مثل لهجتهم لأنج أنتي بلهجتج الي تتقنينها تكونين أحلى حتى يمكن زوجج راح يستانس على كلامج

ثالثا بجلساتج مع حمولتج قللي الكلام كوني مستمعه أكثر ( لأنه كل ما كثرتي من الكلام تطحين بزلات أنتي بغنى عنها ) كوني مستمعه عبري رأيج بطريقه هاديه وذربه وبس لا تكثرين من الكلام ... جذيه احسن اتكونين أثقل ويحترمونج اكثر

رابعا كوني متطلعه على الموضه من خلال المجلات والتفزيون وغيره

والنصيحه الاخيره لا اتغيرين بدواتج يمكن بدواتج تكون هي الشيء الي جذبت زوجج وأهله لج

وان شاء الله البنات يفيدونج أكثر.. أتمنالج التوفيق أختج :)

الموضوع باذن الله سهل


انتي ما تشوفي مسلسلات

المسلسلات المصرية اعتقد فيها كثير من الاتكيت

وكذلك عندك مواضيع كثيره عن الاتكيت في الانترنت فقط اعملي بحث

اي خدمة فقط اطلبي

اما بخصوص انك متندمة بالعكس اذا كان صاحب خلق ودين

وبالعكس ممكن هو تنقصه اشياء كثيرة يلمسها في بدائيتك

لكن اهم شيء زوجك وفي شغلات كثيرة بالمنتديات لكيفية التعامل مع الزوج

الناس مو مشكله لا تشيلي همهم أكثر من بيتك وغرفة نومك

سامحيني كلامي ملخبط بس هذا اللي بخاطري

لازم تتغيرين بصراحه ونصيحه اخويه لانك اذا ما تغيرتي مع الوقت يمكن يبدون اهل زوجك يتطنزون على لهجتك واسلوبك .. وماعليك من بنات عمك وبنات خالك زي ما قلتي ماهم عايشين الحيره اللي انت عايشتها

وبصراحه المدينه من مساوئها التطنز على اللهجات والتصرفات فلازم علشان تبعدين نفسك عن النقص حاولي تغيرين لهجتك وخليها راكزه وقلدي لهجات المدينه وتكلمي بالكاف

الاكل والشرب وطريقة الاكل انت حاولي تكونين مراقبه ثم طبقي ومن حسن حظك انك في بيت خاص يعني اغلطي على كيف كيفك وطبقي


اللبس شوفي الموضه والدارج واسالي هنا في عالم جواء اقسام للشعر فيه تسريحات وصبغات ومشاغل غير البشره وطبقي طرق المكياج وفيه سي دي خاصات لتعليم المكياج اذا طلع زوجك للدوام جربي كل مكياج اللين تعرفين وش يناسبك وشلون تسوينه وش يناسب شعرك

حاولي تكونين انيقه من غير تكلف يعني الحوسه والموديلات الفخمه لاوقاتها اما الزيارات العاديه لاهل زوجك خلي لها تيورات متناسقه مع مكياج ناعم وجزمه حلوه وشنطه واكسسورات

زوجك خليه يساعدك وخذي رايه

المناسبات : اذا جلستي مع اهل زوجك اكيد بتسمعين عن موديلات شوفي الدارج ودوري الاقمشه اشتري مجلات تعليم مكياج زي سنوب وحقت الموديلات واشتري اقمشه وفصليها

ابعدي عن الذهب اللي يكون كبير لا خذي فخم وانيق وناعم

وصدقيني مع الوقت بتصيرين افضل منهم