مشكلتي اني حساسه واتالم عل كل شي

مرحبا بنات كيفكم
وحشتووووووووووني من زمان ماكتبت موضوع اشتقت اسولف معاكم


مشكلتي يابنات اني اتاثر باتفه المواقف واخذ ايام واسابيع وانا متضايقه من هذي المواقف

مره وحد بسوق ضايع ولدها ويوم شافته تتوقعون ايش سوت


اخذته بحضنها لا الا الا الا

ضربته ضرب كفوف على وجهه وعلى ضهره قدام كل العالم والله اني حقدت عليها وانقهرت يوم رجعت البيت بكيت لين قلت بس

ومره وحده تهاوش ولدها عمره 13 او 14 وتهزئه لانه اخذ جوالها حسيته انحرج قدام الناس

وحده مرة تمشي هي وبنتها عند الامطاعم الموجوده بالاسواق و البنت تاشر على المطاعم وهي تسحبها من يدها بقوه امشي لا تقولون مامعها بالعكس مع اكياس وماتبغى تتعطل عن التسوق اتضايقت مره


اكثر شي يتعبني الاطفال مااتحمل اتازم واتضايق واحس بحزن كبييييييير والله ماكتبت مشكلتي الا لاني تعبت ودي اكون قويه وياجبل مايهزك ريح وماتاثر بسهوله لاني والله ماني ناقصه هموم واخاف حتى تاثر على صحتي

ولكن شاسوي
واذا شفت طفل مريض احس اني بموت ودي ابكي واصرخ ولكن 0000000 اذاك اليوم شفت بالتلفزيون اطفال السرطان الله يشفيهم جلست طول اليوم حزينه وحالتي حاله
تدرون ايش امنيتي اني اكون مليونيره حتى اساعد كل اطفال العالم ماخلي طفل يتالم

ووكله كوم ومقاطع البلوتوث كوم اذا وحد بجمعة حريم تقول شوفو هذا المقطع والحريم يشوفون ويعيدون كم مره انا مستحيل لشوف لاني ادري كلها تعذيب او قتل وهم مره مستمتعين

تكفون ياحريم الي متسلطه على اي كائن ترحمه ترا الرحمه زينه حتى عيالكم لا تضربونهم قدام احد وخصوصا ضرب الوجه حراااااام

حابه انوه على حاجه انا الحمدلله طفولتي سعيده وكنت بنت مدللة عند اهلي وماعمري تعرضت لضرب



وتدرون ايش الي زا همي وكسر ظهري

ولدي تعبان والله انه كاسر خاطري ودي يستمتع بطفولته وانا استمتع معه بكل مراحلها ولكن الحمدلله على كل حال انا راضيه بالي كتبه الله لي وعندي امل ان ربي مابخيب دعائي وبيجي اليوم الي اشوفه يمشي باذن الله

واخيرا اسفه اذا ازعجتكم بمشاكلي سامحوني حبيت افضفض ادعولي اني اشوفه ولدي يمشي ويرزقني الله ببنوته سليمه متعافيه


من اجمل الابتسامات ان تبتسم وانت في قمة حزنك لان ايقنت ان الدموع لا تجي نفعا وتاملت ان تغسل ابتسامتك كل انواع العذاب