وربي اني كنت نفسك افني نفسي بس الحمدالله كان لنا كل وحده دور بس كنت انا المميزه بين خواتي وكنت اتعب نفسيا اذا وحده اكلت ولا غسلت مواعينها المهم اني تزوجت بعدها انفجرت لما كبرت عايلتي وقررت في يوم وليله اتقاعد واخليه يجيب شغاله مع ان ظروفنا مره ميح ومع اني اضغط ع نفسي ماديا بس علشان ارتاح واريح جسدي تعبت واكلت في نفسي وحملت بناتي شي مالهم فيه وخفت يعيشون حياه الكرف اللي عشتها مع ان خواتي الاخيرات تدلعوا مره ماشالله ماتخلص الشغاله الا اللي بعدها جايه

لو جلستي كذا ترا بتربين حتى عيال اختك ولو جا احد خطبك بيردونه واخواتك الي اصغر منك ويتزوجون وتربين عيالهم كمان لازم تشوفين نفسك

اسال الله العظيم ان ربي يرزقك بزوج صالح تقي نقي ويسكنك في مدينة غير عن مدينة اهلك عشان يعرفون قيمتك صدق لابعدتي

نفس المعاناة مع امي حتئ بعد زواجي تتصل علي روحي ساعدي اختك المتزوجه ما تعرف سوي اكل بالبدايه كنت امشي على كلامها بس شفتها تريح اخواتي وتطلب مني اساعدهم وهم متزوجات بعد وكمان زوجي وامه استغلوني بالكرف و الشغل لاني تعودت جاني اكتئاب امرض واتعب محد درى عني بعدين صحصحت على نفسي والله نصيحه من مجربه بتكبتين وتاكلين بنفسك ماراح تحسين الا جاك اكتئاب وامراض نفسيه والكل محد يسال الا عن روحه اهتمي بنفسك وقولي الشغل علينا كلنا وبتقسيم وخلصي شغلك فقط واجلسي اقري قران اهتمي بنفسك عوديهم على كذا البدايه صعبه بس ترى بتححسست نفسيتك شي كثير وبترتاحين

الشغله لاتسوينها كامله ابد خليها ناقصه شوي شوي بيخف الحمل عنك وشي يخص خواتك لا تلمسيه