:26: :time:

طمنينا عليك

أهلين بناااات شكرا والله مرررررة كتير على وقوفكم جنبي بدعواتكم
اما موضوعي :) الحمدلله والله كنت مررة خايفة و قعدت ادعي و كل شئ ..

اول ما دخلت سلمت على بابت زوجي و علية كمان . و قعدت و اتفتح الموضوع و ما خليت في قلبي شئ الا و قلته سواء من معاملة الاخيرة , التطنيش , المكالمات , حتى موضوع المهر و السفر فتحت موضوعه .. صحيح الكل انصدم من كلامي ومافي احد كان متوقع اني اقول الكلام اي قلته حى هو نفسه ساير يقول والله مررة انصدمت .. جلست امكن حوالي ساعه ونص و ان اتكلم و اشوف رأيه و رأي بابته و بابتي و ماما ..

أخويا طبعا ما عجبه الكلام قام لأنه ما يبغاني ارتبط بيه لأن اخويا طبعه البرستيج و الاستايل و المستويات ..

المهم بابت زوجي قالي احنا جينا هن نصفي الامور و قلتله ."" والله يا عمي جيتك عندي هنا بالدنيا كلها و ما تعرف قد ايش مقدراها بس انا تعبت و ما اقدر اني استمر لو اني من دحين با تعب و انا لسا في بيت اهلي كيف راح اكون لمن ينقفل علينا باب واحد؟""

قالي "" خلاص صفي الامور وانا راح اسيبلك مهلة تفكري فيها كويس واتمني يا رب توصلي للنتيجة الكويسة ليكي و ليه هو ""

اول ما بابته خرج (...) سلم على بابا و جا ليا و حضني و سلم عليا و اتاسفلي و قالي سامحيني انا والله ما اقدر استغنى عنك وانتي الانسانه الي انا اخترتها انها تكون ليا لحالي كيف راح اقدر اني اعيش من غيرك .. قالي لا تتوقعي انه حيجي اليوم الي راح اقلك كلمة طلاق لأنها ماهي في نفسي و انا امووت من قبل ما اقولها ولا اقدر اني اقولها لو مهما سار و انا اعزك مررة كتيير و انتي فكري و خدي راحتك بس فكري مظبووط و سار يحلفلي انه مافي احد في حياته غير و حلفلي على المصحف و قالي اذا كنت متغير فدي نتيجة ضغوط و مشاكل انا بمر بيها اما السفر اعتذرلي عليها و كل شئ ..

ما ادري ايش رأيكم ؟؟

انا فكرت مظبوووط بعد استخاراتي
و قلت في نفسي انه الانسان مش معصوم من الخطأ و الكل بيخطأ و مو عيب انه الواد يغلط بس العيب انه الواحد يكرر هادا الشئ و هو ملدوغ منه ..
و قلت في نفسي انه الانسان مش ملاك ولازم انه الواحد يسير معه اي شئ
وقلت لو انه انسان بايعني ما كان بيحاول المستحيل عشان يرجعني له
امكن كمان سبحان الله لمن استخرت ثبت قراري انه انا وياه ننفصل و نسيب بعض عشان لمن اتكلم اتكلم معاه بقلب قوي وهو يحس باني راح اطير من يده و يتهز شوية و يعرف انه لازم يحافظ عليا مظبووط
و كمان انا ماحاتجوز اليوم ولا بكرة ولا بعد اسبوع او شهر .. يعني لو اعطيته فرصة تانية امكن راح يبينلي و يثبتلي انه شاريني بكل مافية ..

ما ادري والله ده رأي و ياريت اعرف اراء كل وحدة منكم:):)


===========================================
القرمزية: شكرا اختي على رأيكم و ياريت تفيديني باقتراحي !!!
!i! سكر نبات !i! : بدعي ربنا ليل و نهار بالدعاء الي كتبتيلي هو و مررة شكرا :)

mashal: انا بستخير ربنا و عارفة انه ربنا ابدا ماراح يخذلني لأني لجأتله و ربنا عمره ما يختار الا الخير لعباده :) شكرا يا قلبي على تعليقك واتمنى انك تفيديني

نوريال : والله حبيبتي بحصن نفسي كل بعد صلاة التعويذات و الادعية

زكية الزكية: ده انشاءالله الي انا ناوية اسوية

عنود92" : شكرا حبيبتي على وقفتك معايا بقلبك :)


انهار الدموع: انا محتاجة دعواتكم بشدة :) الله لا يحرمني منها

عيناوية كووول شكرا يا قلبي :27::27: ما ادري دايما يقولولي لهجتي دلوعه مررة لدرجة في ناس يحسبوني متكبرة من لهجتي اقولو مررة ياي

أم الغاليييين,,ام سارونا الحلوة,,غـــــالية,,,سحابه خير .... بليز جاوبوني على رأيي اذا كنت صح ولا لأ :44:

طمنتيني يأختي عليك الحمدلله ان الأمور وصلت لحد كذااااااااا
صحيح الانسان مش معصوم عن الخطأ بس مادام انه اعترف بخطأه وتأسف منك فنصيحتي لك انسي اللي فات وابدي معاه صفحه جديده
والله يوفقك ويسعدك