الحمد لله يارب انكم تصالحتو والله يوفقك يارب دنيا وآخره:27:

:26:

حبيبتى الحمدلله انكم تصافيتو

ونقدر نقول ان الاحوال رجعت مثل اول ...

والله انى فرحتلك يالغاليه ...

وسبحان الله مدرى ليش ربي مدشش حبك فى قلبي ..

على انى مااعرفك ولاشي ..

بس وربي انى مااشوفك الا اخت صغيره لى ..

لكن الحين لازم تفكري في وضعك كويس

وتنتبهى على الامور اللى وصلتك للحاله التعيسهاللى كنتي عليها فى المره الاولى

حلوو انه جا يتاسف لك ...

وحلوو انه بين لك كيف انه مو قادر يستغني عنك ...

لكن هل هذا يكفى ؟؟!!

هل يكفيك مجرد كلام ووعود ؟؟

حنا مجربين الرجال وبلاويهم ..

لاااا انتى لازم ماترضين الا بالفعل ...

انتي الحين ابدي بالجد ...

اكيد انك كلمتى خالك ( او عمك او حماك ... ماادرى ايش تسمون اب الزوج )

عن سالفه المهر ... واسمحيلي اقول لك ( كاخت اكبر منك ومجربه وتخاف عليك وتحبك فى الله)

انه لو ماسوا فيها شي ....(اقصد سالفه المهر)

فالسالفه فيها انّ واخواتهاااا.. واسمحيلي اقولك انه ماااااااااااش

شايف ولده وعمايله فيك وساكت !!

قمة فى الـ ـ ـ ...

تراهم خاطبين بنت رجاااااااااال

وبنات الرجال مايسوا فيهن كذاااا

مو تقولين ابوك ساعد اخوك

وكل الاباء يساعدون عيالهم فى مساله المهر

لازم يتدخل هوو وباسرع وقت ... ان شالله لو يبيعون اللى قدامهم واللى وراهم

لازم يبت فى هالموضوع ... الدعوى دعوى زواج

مو كشتة بر ...

ثانى نقطه ..

انتى انتبهى على نفسك

واكررها عليك انتبهى على نفسك

انتبهى على نفسك

الوقت اللى باقى عشان تتزوجون طويييييييييييييييييل

فياليت مبدئيا تخففين الجيه والروحه

والمكالمات والاستقابلات ... تعذري بدراستك بينيله ان اهلك متضايقين .. اى عذر

بس انتى خفففففففى ولاتندلقين

انا مثلا كنت اشوف زوجى مره فى الشهر ... ولااااا... اقعد اماطله بالموعد

وابين له انى لازم استاذن الوالد والوالده

وابين له انه بيتنا مو سـ ـ ـ ـ ...

متى مابغى جااااا

ايش كسبت ؟؟؟

كسبت احترامه لى ولاهلى وانه الى يومك مايقدر

يسوى شي (خاص فينى او خاص باهلى ) الا يستاذنىىى

والله ياحبيبتى الموانه الزايده مو حلوةةة خصوصا انه باقيلكم كثير

اذا قرب زواجكم بديهي راح تحتكون ببعض كثير لانكم راح تجتمعون

وتتناقشو فى اثاث بيتكم او شهر عسلكم او طريقة شغله او كيف تجدولين وقتك عشان يطابق

دوامه ...

وقتها حلووو لما تدخلى وتطلعي معاه (اااه ذكرتينى باحلى ايام عمرى)

وحلووو تقاربكم ذاك الوقت راح يكون حميمى جداااا..

وراح تبقى حلاوة كلامكم وقعداتكم ومواقفكم الى اخر يوم في عمرك ....

وصدقينى الرجال يحب التدرج .. ويحب يكون هو مبادر لكل شي

وكمان نظريه الظل ماشيه معاه 100 %

اركضي ورا ظلك ايش راح يصير معاكى؟؟؟

انا اللى اقصده تقربي منه لكن مع شوى تغلى .. والله ان تلحسين له مخه

وانتى انثى وفاهمه على

لان الرجال مثل النبته اذا غرقتيه حب ومشاعر وغيره والخ .. واسرفتى عليه

والله ان يختنق ويدور الفككككه

انا يالغلا مااقسيك على زوجك ..

او اقولك طنشيه واهمليه

يعلم الله مو هذى نيتى ...

لكن هذى هى الحقيقه واسالى مجرب ..

انتى خليكى على حبك وعلى اهتمامك فيه بس مو لحد الاسراف

ولا لحد الل يخليه يحسسك انه ضاق ذرعا ( حلوة ضاق ذرعا)

لان كثرة الحلى يغثثثثثث ..

كمان لاتتسي اللى سواه فيك ...

اقصد السفر والمكالمات والانتظار ,,,

مو تعدينها له .. لانه بكذا راح يتعود وتروح هيبتك

واللى كان يسويه فى الظل راح يسويه قدامك

يعنى اسمحيلي الرجال(اللى مايخاف الله ) ويسوى هالامور وهو متزوج

برايك ايش اللى منعه مايسويه قدامك ؟

اللى مانعه هيبتك مو حبك ولا غلاتك والا مكانتك عنه ( لان لو كانت هالاشياء

هى اللى بتمنعه عن الغلط كان ماسوا غلط من اساسه)..

فكيف لاحس ان الوضع عندك عادى

وانه مو هامك يغلط فيك ... صدقينى راح تروح هيبتك

وراح يسوى الغلط تحت عيونك

خليك مفتحه عيونك لين تعرفين مويته..

وانتبهى على نفسك

وانتبهى تقللي من نفسك او من اهلك قدامه

وخليه يحس انه زى ماهو عزوتك ترى اهلك واخوان بعد عزوتك

وتشدين ظهرك فيهم

وانه مهما عطاك ووفرلك فهم الاصل وهم الخير والبركه

انتى فاهمه على وش اقصد ( اتمنى كذا يالغلا)

لانه مو حلو الرجال يحس ان الاهل متصدقين عليه ببنتهم

وكانه هو اللى جا على نفسه وتمنن عليكم فى الزواج هذااا

(اقصد انه عرف ان اهلك مااخذو موقف فى قصة تعارفكم (اسفه على كلامى)

وعدولك وعدوله السالفه ... لا وبالعكس فتحوله مجلسهم وعطوه بنتهم وبـ ـ ـ

اسفه على كلامى بس ماحبيت اجاملك والله .. انا قلت لك اللى اشوفه وقد اكون غلطانه

لانى ماعشت وضعك ولااعرف سلومكم كيف ..

يعنى مثلا لو صارت سالفتك لوحده عندنا .. والله ماجزاها الا ....

(اسفه حبيبتى والله اسفه ياليت ماتزعلين من كلامى) واسفه على التطويل الممل

الله يكتبلك اللى فيه الخير يالغاليه

وانتبهى على عمرك (اكررها مليون مره ... ترى الرجال ماينئمنون)

شكرا مرررة يا بناات على نصايحكم ليا ...

فاتن وبس...
مرررررررررررة شكرا على نصايحك والله ما تعرفي قد ايش كنت محتاجه كلام زي كلامك .. والله صح كلامك ما يئتمن عليهم .. و اشكرك والله من كل قلبي على نصايحك الي حسستني بالفرح اني ملاقيه وحده زيك :):):)

:29: فااتن قسم بالله ردك الأخير يخووووف ياويلي كذا الرجال مالهم امان :06:
خلاص هونت مابي اعرس