مشكلتي اني قلب حساس

السلام عليكم ورحمة الله وبركاته

تعرفون خواتي ان مشكلتي اني حساسة وايد وايد وايد والكل يشكو من حساسيتي المفرطة ولأني حساسة جدا الكل يستغل هذه النقطة فيني عشان يجرحني في كل مكان وللأسف اني من النوع اللي ما يقدر يرد على الاساءة بالاساءة فقط احاول ادافع وبعد ما اقدر فتشوفوني ساكتة والدموع في عيني وللأسف انهان من ناس اغراب ومن ناس اعرفهم ايضا يستغلون مناصبهم في اهانتي بسبب ومن دون سبب .....

على سبيل المثال مرة كنت في عزيمة نساء وجاءت وحده من الفتيات تربطني فيها علاقه قوية كانت معصبة ومتضايقة فقامت وفشت خلقها فيني جدام الناس حطت حرتها فيني من دون سبب فانصطدمت منها فبكيت مثل الاطفال تخيلوا فانحرجت امام الناس لأن في مثل هذا السن وابكي مثل الاطفال من دون ما اقدر ان اضبط اعصابي

فمشكلتي تتلخص على عدم مقدرتي على ضبط اعصابي فابكي مثل اليهال من اي موقف يضايقني ولا اقدر اني ارد على الناس واكون ملسونة وحتى لو حاولت الدفاع عن نفسي واعطيت كلمة فأرى الاخر يرد علي بعشر كلمات وانا اكره الجدال و افتعال المشاكل :44:

ارجوكم عطوني الحل الشافي :29: