مشكلتي اني وحيده وانا اكره الوحده؟؟؟

السلام عليكم ورحمة الله وبركاته


اخباركم بنوتاات

عالعموم انا عندي مشكله واعتبرها مشكله كبيره الصراحه يمكن لو تعرفونها رح تقولون هذي ماعندها سالفه :icon33:

المهم انا يابنات متزوجه وبعيده عن اهلي وصار لي 7 سنوات بالشرقيه وانا ساكنه مع اهل زوجي وزوجات حمواني اللي هم اخوان زوجي متزوجين وعايشين بنفس البيت كل وحده بشقه

والمصيبه انهم مايبون احد يختلط فيهم ولايحبون الطلعات والوناسه عكسي سبحان الله انا مااحب اطلع مجمع او مكان الا بعد ما اقلهم واترجاهم يجون معاي عشان يونسوني انا اكره الوحده مااحب اروح مكان لحالي يعني زوجي يجي معاي بس تعرفون الرجال يطفش بسرعه من الاسواق وانا ابي وحده استانس معها

المهم يابنات رحت بعد مدرسه اهليه وتعرفت على صديقات ودايما احب اني اطلع واستانس معهم بس اكلمهم ولا احد حولك ؟؟ ليش ماادري

ودي اعرف انتم ليش بالمدن ماتحبون احد يتعرف او يجلس معكم او ماتطلعون الا مع قرايبكم الصراحه استغربت منهم هنا انا بالجنوب اطلع واروح وازور حتى هنا والله اني ازور ناس ولايردون زيارتي؟؟ يعني مستحيل يجوني عشان كذا بطلت

الصراحه ياناس انا بنطق من الوحده والكبت احس اني في كوكب ثاني واهل زوجي وزوجات اولادهم كل وحده منطويه على نفسها ومايبون الوناسه وش اسوي بعمري انا؟؟؟:(

بجد طفش والله صرت اتمنى الوظيفه قريب من اهلي عشان ارتاح بس تجري الرياح بما لاتشتهي السفن؟
بس بالله وش رايكم باهل الزوج اللي مانشوفهم الا بالسنه حسنه بالاعياد وبس؟؟

شورو علي وش اسوي مع اني اعرف ان مافيه حل :icon33:

وسلامتكم انا حبيت افضفض لان بجد مقهوره توني مرسله لزوجة حماي رساله قلتلها تعالي معاي بكره عازمتك بمجمع نستانس ونتعشى ولاردت علي قاهرتني كنت بكفر فيها بس حسبي الله ونعم الوكيل فيهم .......