مشكلتي ان البنات يحسبوني بيبي ستر

السلام عليكم ورحمة الله وبركاته
حبيباتي باقولكم مشكلتي وقولولي وجهة نظركم فيها او اعطوني حل مناسب
انا مقيمه حاليا خارج السعوديه ومرت علي مصاعب كثير من البنات وجع الراس ومشاكلهم وطولة لسان البعض وووووو
لكن مشكلتي الحين هي وحده من البنات عندها 3اولاد وبنت عمرها سنه والاولاد زي ما تعرفون اشقياء واذا اجتمعوا مع عيال غيرهم قلبوا الدنيا طبعا هي دايم تحط عيالها عندي وعندي ولد وبنت واذا اجتمعوا مع ولدي لازم الجيران يشتكون ذاك اليوم
الزبده ان اول مره اتصل زوجها على زوجي وقاله انا جايب الاولاد الثلاثه عند المدام الين اجي انا وزوجتي لاننا معزومين بمطعم وصعب اخذهم قلت يالله الناس لبعضها طبعا هي ما كلمتني بس قلت ما عليه جابهم لي الساعه 5 العصر وكلمتني الساعه 6 تتطمن وكانت الطامه وانا اقولها لاتشيلين هم وانبسطي وهي تقول حنا الحين دخلنا السوق هي واختها لان اختها جايها زياره دخلنا السوق وعبال ما ننتهي اذا لقينا مطعم زين تعشينا طبعا اندهشت انها مومعزومه بس قلت يالله نمشيها وتجلس الين الساعه 11 وتدق من تحت تقول لبسي العيال ونزليهم انا خلال ربع ساعه واصله طبعا مشيت الامور وقلت المره الاولى طبعا عقب بشهر دقت علي قالت انا عندي ضيوف وابغى اودي الثلاثه عندك ما ادري ليه ما عرفت اقول شي قلت عادي وودتهم عندي والله لايوريكم انواع المضاربات هم 3 اولاد 7سنين و6 و4 والبنت خلتها عندها وولدي عمره 6 الله لايوريكم انواع الازعاج واشتكوا جيراني مرتين ومشيتها ومره دقت علي قالت تعالي عندي عصريه والله يابنات اني تفاجئت الاهي بحجابها قالت شوي باجيب اشياء من السوبر واجي وطقي ب3 ساعات بعدها كرهت البنت وما عاد اكلمها الا فين وفين وحلفت لو ايش ما عاد امسك عيالها جلسنا فتره وهي تدق علي قبل فتره تقول اختي قرب سفرها وابغى اروح معها للسوق وابغى تمسكين العيال عاد انا عرفت ان الموضوع استغلالي قلت والله بكره طالعه قالت وبعده قلت تعرفين اجازه وزوجي بالبيت ويمكن نطلع قالت اجل معك من الاثنين الى الجمعه اختاري اللي يناسبك قلت انا كل يوم اروح الحديقه مع البنات قالت اما عاد كل يوم ما تملين خلاص خذيهم معك متى تروحين قلت من 5 العصر قالت لا والله انا ابغى اعطيك من 3 الى 10 تحملي يوم قلت والله ما ادري بس اذا تضمنين عيالك ما يضيعون بالحديقه اعطيني وخذيهم من الحديقه طبعا كانها زعلت علي ويوم جاء يوم تقابلنا كل السعوديات بكوفي شب وهي تقول ها ردي علي بخصوص العيال متى اجيبهم لك ترى سفر اختي اخر الاسبوع
وانا قررت اصرفها باي طريقه
وجاء يوم السبت اللي هو امس وطلعنا رحله مع مجموعة سعوديين وطبخنا وانبسطنا ونص الجلسه وحده من البنات قالت يا ام فلان تكلمني ترى يوم بودي ولدي وبنتي عندك نفسي يوم من يوم جيت هنا انبسط من غير عيال وقرف
وتقولي والله 3 مرات اجهزهم بس يجي زوجي من الدوام ويقول اجليها يوم ثاني لاني تعبان اليوم طبعا هي تجس نبظي تبغى اقول عادي جيبيهم وانا بلمت ما عرفت اش اقول ما جاني اي رد
والله يابنات اني رجعت البيت وانا كارهه البنات وكارهه نفسي طبعا ادري بتقولون انتوا بغربه والناس لبعض بس انا اللي اشوف انه لو فيه ضروره مستشفى لاسمح الله اوسبب والله لا احطهم بعيوني بس ما في سبب مقنع والا ايش رئيكم امانه ردو علي ولا يفوتكم ام الاولاد الثلاثه تنتظر مني رد وكل شوي تتصل تقول هاه وش قررتي
بنات علموني انا غلطانه ولا لا الحين الكل حاط عينه علي فرصه وحده تمسك العيال وهم ينبسطون وانا ما اروح اي مكان الابعيالي الله يحفظهم فايش اللي خلى البنات كذا ما ادري يمكن الغلط مني:06: