فعلا اهل الام يحبون عيال بنتهم اكثر
ملااحظه هالشي حتى الاولاد يحبون خوالهم وخالاتهم اكثر من اعمامهم وعماتهم

الله يسعدكم كلكم خصوصا جوليا وواتس اب والله انكم حاسين فيني
مو مقصرة مع ولدي والله بس الطفل هذا مظلوم زي كثيرين اولها ماعنده بيئه ياخذ حريته فيها لأنه مو ببته
الله المستعان

خير ان شاءلله لاتضربيه انتي كذا ولا كذا ماراح يرضو على ولدك لانهم مو متقبلينه فكري ؟ كم مره ضربتيه هل رضيو ؟ ولما سكتي برضو زعلانين منه خلاص اختاري الحل انك تسكتي وتدافعي عن ولدك

شوفي بحاول أقولك بعض نصايحي وان شاء الله تضبط معك دامك تشتغلين بالطبخ حاولي تخلصين أغلب طلباتك الصباح أو بالكثير الظهر قومي مبكره واطبخي كل شي وجهزيه ، بهالوقت ارسلي طفلك للحضانه عشان يختلط مع الناس ويفك شوي عنك ، لمن يرجع ولدك بعد الظهر تكوني قد خلصتي الطلبيات اقعدي اسأليه وش سويت اليوم بالمدرسه وسولفي معاه واتغدو سوا وخلاص قفلي الباب اللي يوديه للدور الي فوق لاخوانك خلاص امنعيه عنهم دام تجي منهم المشاكل ، انا لاحظت تقولين ولدي يسب الأب ف من مين تعلم هالكلام وماله اخوان ؟ لو من اخوانك خلاص بطلي تخليه يروح لهم يكفي تلعبين انتيي وياه ويروح الروضه وخلاص ، لما يجي العصر وتكونين فاضيه خصصيله غرفه يلعب فيها العاب حركيه يعني زي مكعبات ويشكلها أشياء تخليه يلهى ويفكر ، ومافي مانع تصغرين عقلك له وتلعبين معه بألعابه ، الشي الثاني من وقت للثاني أكيد بيختلط مع اخوانك الي فوق وانتي تقولين ولدك حركي ماشاءالله ويكسر الأغراض ويسرق الاغراض ويجري فيها ، بيني وبينك هما مارح يتحملون ولد كذا صحيح هو توه بزر بس اذا صار يلعب بكل شي ويكسره و24 ساعه عند اخوانك فوق طبيعي أمهم بتتضايق ع اغراضها ، فهميهم انو مايستفزوه او يطقونه قولي لان لو ردها لكم ماني مسؤوله بعد كذا ، دام العيال يتضاربو مع بعض ومرت ابوك ماتضرب ولدك يعني تطلب منك تضربينه فخلاص خليهم هم يصلحون مع بعض ،وشيلي من فمك الدعوات هذي الله يكسر يدك لاتدعين على أحد هو اخوك كان معصب وصقع بالباب من وراه وش يدريه ان ولدك بيجي بعده ويدس يده :/ والله لو تشوفين اخواني وهم صغار يلعبون مصارعه وبالغلط تجي ضربه بواحد ماهو قاصدها فحرام تدعين عليهم ، خلي ولدك يتعلم يدافع عن نفسه هم أطفال ويصلحون مع بعض ولازم تقيمين تصرفات ولدك بس مو بالضرب بالعقاب لو شفتيه كسر شي وهو قاصد أو ضرب احد وهو متعمد أو شد شعر البنات هذي تصرفات تضايق مره لازم تحطين له ركن للعقاب يقعد فيه مايتحرك 5 دقايق وبس تخلص قوليله انا عاقبتك لانك سويت كذا وكذا وروح اعتذر من فلان ويعتذر وخلصنا أما تضربينه وهو مو فاهم ليه انضرب صعبه .. بلنهايه هو ولدك ومسؤوليتك انتي الي يفترض تخصصيله من وقتك بس لو هيطلع لفوق ويكسر ويخرب ويجري بالنهايه الناس مو ملزومين يتحملون وانتي مو ملزومه يخالطهم اشغلي وقت طفلك بأشياء غيرهم وغيري تصرفاته العدوانيه واغمريه بحبك وان شاءالله بيتغير

نسيم الصباح
كلامها صحيح ماقصرت ماشاء الله عليها