السلام عليكم ورحمة الله وبركاته
أخواتي الحوائيات
حبيت آفضفض بالكامل
للعلم كذا مرة حطيت مواضيع مضايقتني.. وهي أجزاء من هذا الموضوع
بس قررت إني آفضفض حتى لو موضوعي ماحد عطاني وجه فيه و راح لآخر الدنيا
قصتي تبدأ من يوم ملكتي..إحنا نملك ونكون مثل المخطوبين لين نجهز السكن
يعني إحنا حلال مع بعض.. بس نخلي فيه حدود لين وقت الزواج
تبتدي قصتي من يوم ملكتي... إختي جزاها الله خير ماقصرت.. ساعدتني في إختيار الفستا والمكياج وكل شئ لأنني ما آعرف آتصرف في الصالون ولا عندي ذوق في الفساتين
ملكنا وعملنا حفلة خطوبة بسيطة وبعدين جلست مع خطيبي الي هو زوجي شرعا في غرفة الجلوس
بس ابوي ما خلانا نقعد مع بعض اكثر من ربع ساعة... يعني الخجل لعب دوره وما صار بيننا الا كيفك والحمد لله
راح خطيبي وجلست مع الاهل.. واختي من فرحتها كذا مرة سالتني قدام الاهل (( ها قولي شو صار ))
وانا من داخلي مقهورة لاننا بس شوي جلسنا مع بعض
بس كنت ابتسم واقول (( مصار شئ))
ومن كثر تكرارها للسؤال انفعلت وقلت بصوت عالي
(( اقول لك ماصار شئ))
هي بحكم انها الكل يسويلها 100اعتبار لانها تساعد الكل في كل شئ
خجلت منهم بسببي
وحلفت انها ما بتساعدني الا في تجهيز الزواج ((حفلة العرس))
وصارت حامل ولله الحمد وصارت متوحمه في زوجها وتركت بيتها من التعب وسكنت عندنا في بيت ابوي
كان خطيبي يوم يجيلي ويوم لا
ويوم الي يجيلي فيه كانت دايما تناديني بصوت عالي وكره (( فروحة تعالي ليه سويتي كذا و كذا))
واذا اتصل لي وهي ردت عالتلفون كمان تناديني بـ (( اف فينك فروحة تلفوووون))
زوجي ماشاف اختي لاننا حياتنا ولله الحمدمو خلط ومتغطيات
بس لما يسمعها كذا.. حس من ناحيتها بالضيق والكرهمع الوقت
بس ما كان يبين لي ساعتها
اشتكيت لامي كانت امي الله يرحمها تقول(( تحمليها هي متوحمة))
وظليت على هالحال 9 اشهر ..وبعد ما ولدت كانت كذا معاملتها ما تغيرت
قلت لامي الله يرحمها(( شفتي هي ما تغيرت يعني ما كان وحم ))
واستمرت معاملتها كذا على طول لين تزجت
زوجي كان كارهها بس ما يعلمني بهالشئ.. والي زاد عليه شاف كيف امي تفضب عيال اختي على عيالي
لان اختي كانت على طول توصل امي للزيارات ..لكن في نفس الوقت كانت اختي كل يوم تترك واحد من عيالها عند امي ينام.. امي تقول عيالها يبغون ينامون عندي واختي تقول (( خليني ارتاح شوي من ازعاجهم))
بدات التفرقة بين عيالي وعيالها
اذا كان فيه شئ للتوزيع كانت انمي تستنى اختى تجي حتى امي توزع علينا
واذا ماكنت موجودة(( امي تتصل لي وتقول اختك هنا نبغى نوزع فما نقدر نستناك!!!))
زوجي عرف من عيالي انه دايما الافضل والاحلى يروح لعيال اختي.. وعيالي من النوع الطيب الي مايضرب((للاسف))
كانوا عيالها اذا تخانقو يطلعون حرتهم في عيالي واذا خسروا اللعب يضربون عياليوهكذا
واذا خانقتهم او شئ امي واختي يقولون تركيهم هذولا عيال
عيالها يضربون ولا على بالها !!!
لين عيالي اشتكو لابوهم
وصارابوهم ياخذ موقف من بيت اهلي
وجاف معاهم.. واحيانا كان يوقف عند الباب ويخانقهم من القهر الي يشوفه في عيالي
وهذا جعل امي الله يرحمها تحب زوج اختي وتكره زوجي
واختي من النوع الي ما تجلس بالبيت.. وزوجها كل يوم يوصل عياله لبيت امي ويرجعهم
فطلع كلام من الجيران(( اصدقاء زوجي)) على زوج اختي واختي
زوجي وزوج اختي نفس الاسم
فمرة جلست عند امي وقلتلها اميانتي تحبين فولان صح !!؟؟
امي ارتبكت على بالها اقصد زوجي فقلت لها لا مو زوجي قصدي زوج اختي فتنهدت وقالت ايوا ليه
هنا من ردت فعلها قلبي تقطع على زوجي لاني عرفت انها ما تحب زوجي
وكملت كلامي (( اجل كلمي بنتك زوجها طلع عليه الكلام من الجيرا لانها تاركه البيت على طول وهو جا ورايح بالعيال))
مرة اختي كانت بالمستشفى لانها عملت عملية وبالعملية كانت حالتها خطيرة
وزوجي لما شافني كيف اني كنت خايفة عليها
صار كل يوم يودين لها
ولاني عارفه انه ما يحب اختي ومن زمان يتضايق اني ازورها
كنت كل ما باطلع من عندها كنت اخذ كم حبة شوكولاته حق زوجي ... للعلم زوجي ما يحب الشوكولاته
للعلم عندها من الناس الي يزورونها اكثر من 20 صحن وسلة شوكولاته
كل يوم كنت اروح لها.. وفي آخر يوم بنتها الصغيرة قالت لي قدام الزوار(( خالتي انتي تجين علشان تاخذيت شوكولاته))
وهذي كان اخر زيارة لها... لانني كنت اخذ الشوكولاته حق زوجي من فرحتي انه يوصلني لها..))
ومرت الايام وحالنا ما تغير
وفي يوم زواج اخوي.. لانني ما احب الزيارات ولا التدجهيزات.. ما حطيت يدي في شئ
ويوم العرس اختي كانت حاجزة بالصالون لــ 7 وحدات.. وكانت حاسبتني معاهم.. اتصلت لي وقالت مايصير تجين معانا لان بنات خالتي بيجون معاي
وقالت وهي عاملة نفسها تهزر لانها حست اني تضايقت (( مو تجين العرس وتاخذين اكل لزوجك لانك ما ساعدتينا بشئ)) لله هذا هزار
فقلت لبناتي بنروح العرس وبنرجع من غير ما تاكلون شئ
واشياء كثيرة صارت ومازالت تصير
بس هذي الأشياء الي هي أساس المشالكل الي سببت أشياء أخرى
زي.. ما تخبرني بأشياء لازم تقولها لي.. وإذا مر على هالأشياء وقت .. تقول أوه نسيت آقوللك
واو مثل مرة .. كنا بجمعة .. وهي مشغولة تسولف مع كم وحدة وانا كنت جنبها
شافتني وقالت إيه صج فولان خطب .. وخلاص ما إستنت أسئلها كيف ومتى ومن أخذ.. فخالتي حست فيني وجات وقالت لي
حتى الأهل يستغربون من تجاهلها لي
للعلم اي شئ لازم هي تعرفه كنت على طول آخبرها
والحين قلت خلاص
باعاملها مثل ما تعاملني
باتجاهلها.. وما آعطيها أي أهمية قدام الناس.. هي تسوي لي كذا
واحد من عيالها من صغرة وهو مايبغى ولدي يلعب معاه
فكان دايما يبعد ولدي عن ولد خالتي
وبعد كم سنة توقعته تغير
لكنه لساته مثل ما هو
ولدي راح لولد أختي في حديقه.. أصدقائهم كانوا هناك
إتصل لي ولدي بعد 5 دقائق,.. يعني بعد ما إبتعدنا عن الحديقة بمسافة ماهي صغيرة
رجعنا وأخذناه وقال لنا إنه ولد إختي قاله روح ما آبغاك معانا وقال لولدي إتصل لأمك(( ما قال لأبوك)) وقول لها تاخذك(( انا ما آسوق السيارة))
ورحناله ومن القهر أرسلت لأختي(( ربي عيالك قبل لا تربين عيال الناس)) وقصدي من الرسالة إنها هامله بيتها وعيالها وصارت تطلع مع تلميذاتها إلي هي تدرسهم وتزورهم إذا مرضو وتصلح لهم كيكات من أغلى الأنواع و عيالها ماتعرف عنهم شئ
وهي لا إتصلت حتى تعرف شو السالفة
مجرد أرسلت لي رسالة(( إنتي أكبر من كذا لا تخلين حركات العيال تأثر عليكي))
آعرف إني طولت بموضوعي بس حبيت آفضفض من القهر
شفته بفرح @shfth_bfrh
عضوة شرف في عالم حواء
يلزم عليك تسجيل الدخول أولًا لكتابة تعليق.
القمر الأزرق
•
يعني الصراحة أنا مش عارفة شو أساس المشكلة، ما بتوقع إنه سبب تغيرها من كلمتك وقت خطوبتك... ويمكن أختك ما عندها مشكلة من الأساس بس إنتي لإنك حاطة في عقلك إنه في مشكلة فبتصيري تفسري كل شي إنه هي قاصدة إنك اتضايقك.. بس على العموم هي مهما كان أحتك والحمد لله ما صار مشكلة جوهرية وكبيرة بينكم.. وافترضي الخير بتلاقيه إن شاء والله يخليكم لبعض
يمكن الغيره لها دور لكن انتو خوات المفروض ماتصير بينكم هذي الاشياء
خصوصا بعد ماتزوجتو وجبتو عيال
والله يكون في العون
خصوصا بعد ماتزوجتو وجبتو عيال
والله يكون في العون
الصفحة الأخيرة