مشكلتي بس اعصب أطربق الدنيا 😭😭

السلام عليكم ورحمة الله وبركاته
انا مدري وش فيني اعصب بسرعه واذا عصبت لازم ابرد حرتي بطريقه غلط


ابيكم تفهموني هالشي طبيعي وهل فيه كثير مثلي وايش علاج هالشي


يعني مثلا اتهاوش مع زوجي ويطلع ويخليني يطنشني انا اكون مقهوره لأنه يظلمني ويغلط علي ودي يقعد نتفاهم حتى لو نتهاوش بس مايتركني لحالي اغلي وحتى لما اتصل عليه يرد يقول خير وش تبغين ويقفل مايتفاهم لا وتطور صار يحط لي حظر عشان ما اتصل عليه قمة التنصل من المسؤوليه لو يصير لي شي انا وعيالي مانقدر نكلمه


المهم بالمواقف هذي انا وش اسوي اقوم ارمي اي شي قدامي بقوه ع الجدار
مره رميت غلاية المويه ومره رميت العطر حقه ع الجدار ومره رميت عطره من الشباك هههههه عاد كنت مره معصبه ولأني استخدم مانع حمل متعبني مررره بس الحاله هذي عندي من قبل لا استخدم المانع ،،،،، ولما صرت استخدم المانع زادت الحاله


والله اني انقهر على نفسي انا لما انضغط ما اقدر اتحمل يمكن لأني كنت عند اهلي شوي مدلعه ، والله مو مره مدلعه بس يعني نوعاً ما ماكانوا يضغطوني كثير


احيان احط حرتي بعيالي وبعدين ابكي عليهم صرت احط حرتي بأشياء ثانيه عشان لا اضربهم وصرت افكر بالطلاق لأنه هالشي بيتعبني مع مرور الوقت وانا باتعقد وعيالي بيتعقدون واكون كذا ظلمت نفسي وظلمتهم


تخيلوا امس مررره قهرني وضغطني وهو للمعلوميه نذذذل وقليل ادب ولما يسب يتلفظ بألفاظ وصخه وانا الحمدلله رغم اني عصبيه بس ما اغلط عليه ممكن اصارخ واهاوش بس ما اسب وهذا الشي اللي يقهرني اني طيييبه معاه وصابره عليه وهو بالشكل هذا مايبين في عينه المهم امس قهرني وحط لي حظر بالجوال والبيت ناقصه اغراض مطبخ وعندنا موعد بالمشفى ويسحب علينا كل يوم يطلع مع اصحابه الله يفرق بينه وبينهم انقهرررت رحت اخذت السكين وشقيت بنطلونه حق العمل يمكن 10سم ههههههههههههه والله اني اضحك على نفسي بس من القهررر والله غصب عني ومانع الحمل بعد مخليني مجنونه ولا هو راضي يغيره لي يعني ما انلااااام المهم بعدين خفت ينتبه للشق رحت خبيت بنطلونه وحطيت له بنطلون ثاني يلبسه
للمعلوميه يابنات وربي اني طيييييه وربي كلمه ومسحه ع الراس وارضى بسرعه يعني ماني شريره هههههه احيان يغلط علي اغلاط قويه وبس يكلمني كلمتين اعاتبه وبعدين ارجع معاه زي الفل مررحه واضحك وانكت والعب
اذكر وحده من صديقاتي كانت نظارتها دايم معووجه تقول اني بس اعصب ارميها ع الارض بقوه عهههههههه


لاحد يتشمت عشان ربي لا يبتليكم ولاحد يسب الله يشغلها بنفسها اللي تسب


وللمعلوميه انا محبوسه بالبيت اهلي بعيد وزوجي مو معرفني على احد من زوجات اصحابه ومحبوسه بالبيت اختي تقول توظفي عشان تتنفسين احس حبستي بالبيت لها دور


لا تقولون لي تعوذي من الشيطان لأني اتعوذ منه ومافي فايده احس بقهر داخلي لازم انتقم منه حتى احيان افتح مكيفات البيت كلها عشان اخسره اهئ اه


خلاص رحمت نفسي باطلب الطلاق وربي كرهت حياتي معاه انا اجتماعيه مررره