ايش اقولك اختي ما راح ازيد على كلام الاخوات هذا كله بس ابغى ادعي لك الله يهدي سرك واحمدي الله

الله يهديك..ويصلح حالك
مدري وش اقول .. شيء محزن..
لكن البنات ما قصروا جزاهن الله خير..

كيف لوأنك انتي الغير جميله ؟؟؟؟؟

ماذا ســ يكون ردة فعل زوجك الوسيم؟؟؟؟؟

شوفي أنا أقولك عن أخت زوجي ملكة جمال بمعنى الكلمه طول بيض ملامح وشعر زي الحرير والجسم زي عارضات الأزياء المهم ملكة جمال بدون مبالغه ـ ماشاء الله تبارك الله الله لا يضرها ـ أقسم بالله لو تشوفين زوجها ماتصدقين وتقولين مستحيل معقوله ماتقدم لها أحد غيرهذا حتى أنا أسال زوجي ماجاها أحد غيره علشان تزوجونها هذا قال بالعكس كان يجي كل يوم 4أو 5 عرسان وبدون مبالغه من عمرها 15 سنه كانوا الناس يخطبونه من أبوي بالشارع وفي المسجد وفي الدوام وحتى في صلاة الفجر وكل واحد أحلى من الثاني بس ماأختارت ألا هذا والسبب أنها تقول تبغاه خاتم في أيده وش تسوي بواحد وسيم وما تشوف منه ألا التعاسه وفعلاً هي الأن عايشه مبسوطه وبطريقتها وباسلوبه
خلت حياته أسعد من حياة ألي زوجها وسيم وبس جالس يبصبص على البنات وفي الطالعه والنازله جالس ينتقد في زوجته وفي شكله أحمدي ربك على النعمه وخلى حياتك جنه

البنات ماشاء الله ما قصروا
قالوا كل اللي كنت بقولة .. إقرئي بقلبك مو بعقلك حبيبتي
وتذكري ان مشكلتك صعوبتها مو ان زوجك مو عاجبك!! << والدليل قبولك لشكله من البداية!


الصعوبة بمشكلتك هي وساوس
ابليس وكلام الناس اللي مأثره عليك ومعمي عينك عن ايجابياته الكثيرة!


زي الصفحه البيضااااء
مخليك تنسين بياض الصفحه وملتفته بس على هالنقطة السوداء الصغيرة اللي فيها!
ما سألتي نفسك ليش؟


لأن هاي وظيفته .. انه يدمرك
انتي ويدمر زواجك (الحلال) ويدفعك الى الرغبة بالمزيد ولو بالحرام!!
وانتي اكيد اكبر من كذا .. بس المثال يقول
كثر الدق احيانا يفك اللحام!


وياما ناس طاحوا واخطأؤا وندموا
بسبب وساس ابليس!!! قوي إيمانك بربك حبيبتي انتي في صراع
مع الشيطان حالك حالنا جميعا ً بهالدنيا ...



وفكري معي شوي ... بما ان مافي
انسان كامل بهالكون (واللي يقول عكس هالكلام كذاب) لأن الكمال لله
فإنتي فكري يا ترى لو ما كان النقص في المظهر
ودك يكون النقص بأيش؟؟؟


مثلا ً: الوظيفة؟

الصلاة؟


الألتزام الديني؟


الأخلاق؟



الأحترام؟


المشاعر؟



التقدير؟؟؟ الخ



يعني انتي اختاري النقص
من بين كل الخيارات هل هالشئ بيريحك!
مثل ما لقى لك الشيطان مدخل يعذبك فيه ..


إفرضي انه ما كان بشكل زوجك اكيد
راح يلقى مدخل آخر ... كـ الحالة المادية مثلا ً!


راح يخليك تقارنين بين الخير
اللي بيدين الناس والحرمان اللي انتي فيه .. او المعاملة
ان فيه ازواج رومانسيين ويحترمون زوجاتهم ومريحينهم وانتي العكس
زوجك مبهذلك ومطلع عيونك وموريك الويل!!


(في النهاية بيلقى شئ تتحسرين عليه لو ما كان
عندك ايمان قوي وقناعة تامة برزق ربك الكريم)



انتي اختاري .. بقلبك ..
وش النقص اللي تفضلينه!؟



ولا تنسين شئ .. انتي بعد ناقصه!!!
فلا تطلبين الكمال منه!!



افرضي انك انتي الحلقة الأضعف
بهالقصة .. وكان مستوى جمالك اقل من العادي
وزوجك مو راضي عن شكلك ووده وخاطرة بوحده جميلة تقرّ عينه
هل راح تشفعين لنفسك وتطلبين منه القناعة !! وانتي ما تشفعين له!!



ترى ربي اللي يخلق .. وربي
اللي يرزق .. فلا تعترضين ... فتصير حياتك من سئ إلى اسوء لا سمح الله!



واما ان الناس تلمح وتعلق
فتأكدي زي ما يعلقون عليك يعلقون ع غيرك!!!!!!
إذا مو بالشكل بالمادة او الوظيفة او المعامله!!!!


وعندك ابسط قصة بقولها لك
عن جحا وابنه والحمار (يكرمون القارئين)



قالك بيوم من الأيام ... كان جحا رايح
مع ولده مشوار وكان ولده راكب الحمار .. قالوا الناس
شوفوا هالولد العاق اللي تارك ابوه الشايب يمشي
وهو راكب الحمار مرتاح!


نزل الولد وركب جحا .. وكملوا
مشوارهم .. قالوا الناس شوفوا هالأبو القاسي
اللي مخلي ولده الضعيف يمشي ع رجوله وهو مرتااااااااااااح!!


ركّب جحا ولده معاه فوق الحمار ..
وكملوا طريقهم .. قالوا الناس شوفوا هالناس اللي ما ترحم هالحيوان الضعيف!
نزلوا الأثنين .. قالوا شوفوا هالأغبياء .. يمشون ومافي احد يركب الحمار!!!



يعني بإختصار .. رضى الناس غاية لا تدرك
واذا بتظلين تستمعين للناس .. صدقيني بتتعبين وبتتقطعين
ولا عمرهم بيرحمونك او يرضونك!!



عليك فقط من اللي صدق يحبك
ويتمنى لك الخير .. وما عليك من الناس الحاسده لنعم الغير
ذوي التفكير المحدود اللي يعانون من العقد النفسية!