*احبه حيل* :

اهلين حبيبتي..الله يكون في عونك ياقلبي..ماراح ازيد على كلام البنات هم ماشاء الله كفوا ووفوا..ولكن في نفس الوقت انا معك شكل الزوج مهم خصوصا ان العلاقه حساسه وانتي فاهمه قصدي..ابحاول اعطيك حلول.. اولا:انتي قلتي زوجك طيب وحنون ومتدين ويحبك ماشاءالله هذي مزايا نادره في هالوقت احمدي ربك وعظمي هالصفات في نفسك ودائما تذكريها وتذكري مواقفه الطيبه معك ثانيا:انتي تقارنين زوجك بأزواج خواتك وصديقاتك من ناحية الشكل وهذا اللي زاد نفورك منه ..حاولي انك تقارنينه بهم من ناحية الاخلاق والكرم وحسن المعشر اتوقع ان كفته بترجح وبتميل ثالثا:تخيلي لو انه جميل ووسيم وش بيكون شعورك كل ماطلعتي انتي وياه مطعم اوسوق او حتى مستشفى والبنات يطالعون فيه ويتحككون فيه والله راح يطير برج من راسك خصوصا ان البنات الحين انهبلوا الله يصلحهم رابعا:تخيلي لو لاقدر الله بسم الله عليه الرحمن الرحيم جاه شي وخذتي واحد غيره اجمل منه بكثير لكن مو في ربع حنيته,,ساعتها وش بتسوين في جماله؟؟؟ خامسا:تذكري البنات اللي الى الان ماتزوجوا كل بيت فيه ثلاث واربع بنات جمال واخلاق وقاعدين ماحصلوا حتى ريحة الرجال ولو يحصل لهم زوجك حطوا له عين فراش وعين لحاف وشافوه اجمل رجل في الدنيا سادسا:لاتنظرين لعيالك على انهم عاديين وابوهم السبب في عدم جمالهم هذي خلقة رب العالمين حتى لو ابوهم ملك جمال وبعدين ليش تبينهم يصيرون حلوين؟؟يا اما بتجيهم عين تطيرهم ولا بيصير قلبك بس يدق عليهم تخافين عليهم من عيال الحرام وانتي فاهمه قصدي..وبعدين فكري هم هم بكره بيكبرون وبيصيرون رجال يعني الجمال موشي مهم هذي خلقة ربي انتي عليك التربيه والتقويم سابعا :وهو الاهم..حاولي تغيرين من شكل زوجك سوي له كل اسبوع تنظيف بشره وماسكات ترى الرجال يموتون بهالحركات من يدين حريمهم خليه كل اسبوع يروح يرتب عوارضه ولاسكسوكته شوفي انتي وش يناسبه شماغ ولاغتره اشتري له دايم جزم وعطور وابواك..يعني انتي اهتمي بمظهره والله اعرف لك ناس كثير حريمهم متولينهم من ..الى..رتبي شكله واهتمي فيه وترا الرجال يحب يحس ان زوجته مهتمه بمظهره كلمه اخيره ياعمري..اشبعي زوجك ةدلليه لايغرك صمته الحين ترا الرجال مثل البركان يسكت ويسكت واذا انفجر ماعاد يرده شي وانا خايفه عليك لان زوجك بدا يحس ان فيه مشكله وانك مهملته تلاحقي الموضوع ولاتكبرينها عشان ماتكبر.. الله يسخرك لزوجك ويجعله في عينك اجمل ملاك اللهم آآآآآآآآآمين..موفقه ياقلبي

اهلين حبيبتي..الله يكون في عونك ياقلبي..ماراح ازيد على كلام البنات هم ماشاء الله كفوا ووفوا..ولكن...

نور*عيونه :

اختي الغالية اول شي احمدي الله على هالزوج الطيب اللي الله رزقج فيه .. ثاني شي دام انه انسان طيب ومومقصر معاج فشي ماتشوفين انه هالشي يستحق انج تتعدلين وتهتمين بنفسج عشانه !! وترا خلي يالج من شي 1000 وحدة اتمنى زوج مثل زوجج لاتخلين عيونه تطلع على برا ويجيبلج زوجة ثانية !! واخر شي واهم شي .. اعتبري الشي اللي تسوينه لوجه الله وبتنالين عليه الاجر .. ربي يوفقج يالغالية ويسعدج ..

اختي الغالية اول شي احمدي الله على هالزوج الطيب اللي الله رزقج فيه .. ثاني شي دام انه انسان طيب...