لا حول ولا قوة الا بالله 
أخواتي لاتقسون على الأخت بالكلام هي لو مبسوطة بالي تسوية ماكان استشارت احد لكن هي ودها يطلعوا عيالها أحسن شئ بس الأطفال الله يهديهم ويصلحهم يطلعوا الواحد من طوره 
أختي الله يكون في العون كثير ناس تعاني من نفس المشكلة والشي الي يتعب أننا مانبغى عيالنا بكره إذا كبروا الي يطلع حالته النفسية تعبانة والا خواف وماله شخصية  
يااااارب تكون في عوننا على تربيتهم
وكمان في نقطة الأم أحيان تكون تعاني من ضغوط صعبة تجعلها عصبية وماتتمالك نفسها 
علشان كذه انا ماودي نضغط عليها زيااااااده 
ربي يكون في عونك يااختي انا حسيت من كلامك انك ماتريدين ان تخسري أبنائك 
ربي يصلحهم لك ويهديهم 

نصيحه دور حل ثاني غير ضرب

ضرب لو تضربينهم من اليوم لين باجر ما تستفيدين شي منه
صدقيني عيالج لو تعود على ضرب بيسير ضرب عااادي عندهم وبيسرو عنيدين اكثر عن قبل

عندي عم من نوع الي يضرب عياله ضرب بالواير وعصى وساعات بعقال عياله من كثر ضرب صارو ما يحسون بشي لا يصحون ولا يزعلون عااادي يردوون طبيعين ولا كنه مستوي شي ويكملون لعب

اذكر مره كنت عندهم والله ضربهم ضرب بعدها رجعو يلعبون وجو عااادي عندهم انا لو مكانهم بموووت و بصيح وبتيني حاله نفسيه ...

مشاالله الحين عياله كبرو 18 و17 و16

ولد الي عمره 18 سنه مراهق الحين صار ما يخاف من ابوه اخره مره ابوه رفع عقال بس الولد من كثر العنف مسك العصى وكسرها ودز ابوه تخيل حالت ولد وين وصلت من العنف .. اسبوع شرد من بيت بعدين رد الحمدلله وعقل ما في احسن عنه
ولد ثاني دااايما ضرايب في مدارس وعصابات والحين الحمدلله قام يسمع كلام اهله دووم ينصحونه خااصه امهم يعتبرونها مثل صديقتهم ما يخبون عنها شي

ابوهم اتعلم اهتدى قام ينصحهم وقلل ضرب والحين يتعامل وياهم بالكلام الحمدلله عقلو شوي بس ولد الي 18 من نوع الي متهور برع البيت الله يصلحه بس ما في احن عنه للاهله

ضرب ما يعلم وكلام يأثر ما ينسونه طول حياتهم حتى لو صكو سن 50



الله يحفظ عيالج ويهديهم ياااارب حاولي تجلسي ويهم وتعرفين شو بخاطرهم وانتي بعد فهميهم تصرفاتهم الي ما تعجبج بطريقه حلو ما تخلينهم ينفرون منج وعيالج ماشالله بعدهم صغار احضنيهم وحسسيهم انج مضايجه من تصرفتهم والله بيتاثرون بيتغيرون بتدريج صدقيني شوي شوي بيعقلون مثال انتي ذكرتي انهم يرسمون على جدار خذيلهم صبوره عوده او دفاتر رسم وعلميه انه عيب ترسمون على جدار ونتي احتويهم اكيد تعرفين طبع عيالج

دوووم كرري دعا
ربي هب لنا من ازوجنا وذريتنا قرة اعين واجعلنا للمتقين امامه <<<<عجيب هاذا دعاء اقوله دووم في صلاه او في سجود عندي اخوي عود وصغير دوومهم هواش والحمدلله هدت مشاكلهم في بيت والله من كمن يوم اخوي طايح متعور واخويه ثاني يكلمه وبحنان ويقوله وبوديك مستشفى لو جوفين ويهي اكبر استفهام مستقربه والله ما كانو يحبون بعض ومستحيل يكون بينهم تعاطف سبحان الله تغير حالهم الحمدلله الحمدلله الحمدلله الله يحفظهم للبعض

الا الضرب ع الوجه
وترا انا مثلك اضرب
بس الحمدلله دعيت الله اني احبهم ويحبوني ويألف بين قلوبنا واني ماشوف اخطائهم
والله الحمدلله يارب صرت استتفه اخطائهم واتحملهم بعد ماطلبت من الله
حرام هذول امانه
انا مره سمعت كلام لشيخ يقول راح توسألي عن كل شئ حتى لما تنيميه وتهدديه عشان ينام

وانا مثل حالتك الله المستعاااان

طيب بسألك تقدرين تضربين زوجك,,لمن يكون هو سبب عصبيتك؟؟
طبعاً لأ
لأنو لو مديتي يدك عليه ممكن يكسرها
لكن هذولا اطفال مساكين,,مايقدرون يدافعون عن نفسهم,,لكن صدقيني,,ضربك لهم بيطلع بكره بمعاملتهم لك
بقولك على شغله
بحياتي ولا مره ضربت واحد من اولادي,,وكان عندي صديقه اولادها بنفس عمراولادي تقريباً
وكانت ماتعرف الا الضرب بالتعامل معاهم,,ياما نصحتها,,لكن ماتسمع
الحين عيالنا كبروا
ولله الحمد والمنه,,,ربي هادي لي اولادي,,مافيهم واحد يرفع صوته علي,,او على ابوهم
اي مشوار ابغاه,,انا امر,,وهم ينفذون,,حتى بالبيت وتعاملهم مع بعض مره ممتاز
بعكس صديقتي,,زوجها للحين هو اللي يودي ويجيب ويحط,,والولد الكبير,,اما نايم,,او مع اصحابه
حتى امه يرفض يوديها مشوار واحد
يعني زي ماتزرعين راح تحصدين,,,ولاتزعلين مني,,ضرب الاولاد مره معروفين فيه انتم يالفلسطينيين
طبعاً مو الكل لكن الغالبيه
واهمس بأذنك بكلمه,,اذا بغيتي تضربين واحد منهم,,تذكري لو انو يتيم,,واللي تضربه زوجة ابوه