مشكلتي بعلاقتي في ربي ومع ذاتي

السلام عليكم حوائيات

بدخل في الموضوع على طووول

موبعارفة من وين ابدا

يا بناااااات انا فضيقة ما يعلم فيها الا ربنا سبحانه
انا كنت بحال وصرت بحال ثاااااني

بنات انا ما اتكلم عن حياتي الزوجية او حياتي مع عيالي او حياتي العملية

انا الحمدلله عندي عيال 
ومتوظفة ولله الحمد
وحياتي مع زوجي مستقرة وانا احبه وهو يحبني

ياااا رب لك الحممممد

بس مشكلتي في ذااااتي

يا بنات والله العظيم انو علاقتي بربي في انهيااااار

ثقييييلة ثقييييلة في العبادة بشكل ما تتصورونه
صلاة مو هالقد انا ما اقولكم الكلام ذا مجاهرة بالمعصية لا والله
بس تعبببببببت وانا احاااول مو بقاددرة 

افوووت صلواتي دايم

ما عندي خشووووع ابدا
ما اقرا اذكاااري

اااااه ياربي واستحي لما اقول يا ربي وانا كذااا

حاولت امسك الاسغفار مو بقادرة امسكها شوي واخليها

حااااولت ومو قادرة

انا موب من النوع اللي اسمع اغاني ولا انشغل بالتلفزيون 
والله اني ما ادري عنه الا ويييين ووين

حيااااتي ما فيها بركة
يمر اليوم وانا ما سويت شئ

بكلمكم عن نفسي اول
لي 8 سنين متزوجة
وعندي بنت وولد
كملت جامعتي بعد زواجي وبعد ما جبت البنت وانا ادرس ومكافحة لين اتخرجت
وهلي موب عندي بنفس المكاان
تعبت حملت وولدت وكملت دراستي 
وجبت ولدي الثاني بعد ما تخرجت واشتغلت الحمدلله وعمره الحين سنة
كافحت لوحدي مع مساعدة زوجي الله يعافيه

ربيت درست واشتغلت الحمدلله
من ناحية العبادة كنت ما اترك صلاتي ولا اذكاري 

بس من سنة ما تخرجت وانا مهههههملة 

احس اني اتنكست نكسة فظيعة يا بنات
المشكلة اني احاول وموب قادرة 

لو سمعت قران او اناشيد اتاثر وااااااااجد واحيانا ابكي

وللاسف هذه حيااااتي باختصااااار

ساعدوني تكفون
وش اللي فيني 
وش اللي غير حياتي كذا؟؟!!!

انا مووووووب راااااضية عن اللي صايبني 
وكتبت موضوعي لاني مو قادرة افتح هالموضوع مع احد
ولاني عارفة القى حل


مشكووووورين مقدما للمساعدات 
ولكم دعاوي في ظهر الغيب 
ولا تنسوني من دعاااااكم تكفون 
محتااااجتكم والله