اهلا بنات حواء
هذا اول موضوع لي بهالقسم
و تراه كلامي واجــــد:p
وحبيت اخذ رايكم خواتي وش اسوي بمشكلتي طويله عريضه دااااايم افكر فيها من يوم ماحملت جاني اكتئاب من هالشي
انا الآن حامل بآخر الثامن وان شاء الله نفاسي باقضيه عند اهلي
وامي الله يخليها لي مجهزة لي كل شي عندها غرفة وسرير لي ولولدي ومجهزه لي هدايا وملابس وادويات واكل كل شي من الحين قاعده تسويه
لان هذا اول احفادها ان شاء الله وفرحانه فيه مررره
لحد الآن كل شي طبيعي لكن المشكله عمتي ام زوجي تبغى تجلس عندي طول فترة النفاس
يعني تجلس معي ببيت اهلي لاشغل ولامشغله تقول ابي اجلس عندك وعند الولد امك خبله ما تعرف تعتني فيك؟؟
والله يابنات هذا كلامها وقالت لو امك سمحت لك كان خليتك تجلسين ببيتك ماتروحين لها مهبوله تراها ماتعرف للنفاس؟
المهم ان عمتي مالها الا ولد واحد اللي هو زوجي
وكان تحكيلي كيف انها تبهذلت بحملها فيه ولااهتمت بنفسها ولاعرفت تاكل وكيف صار لها هوا بارحامها واصوات ومويات وتوسع وكل عله صارت فيها وتقولي اشياء قرف وبلاوي صارت لها وانها معد حملت عقبها وطلقها عمي وتزوج عليها بهالسبب الله لايبلانا
وامي ماشاء الله تبارك الله لها لها ست عيال والله كانها بنت يعني جسمها حلو حتى احلى من جسمي<<ترا لاني حاامل الحين هع
وتهتم بنفسها حتى مره راحت معي المستشفى
وشافتها دكتورتي وقالت هذي اختك ليش جايه معك هي تبي تسالني عن شي؟ قلت لاهذي امي قالت لاويييين ماشاء الله صغيره وراحت تسالها انتي كم عمرك صغيره مره وش تسوين وايش وايش وخلتني انا على جنب :32:
امي بكل ولاداتها تهتم بنفسها هي وخالاتي بالنفاس مرره ومعروفين بهالشي وجدتي وكلهم ماشاء الله اجسامهم تهبل<<قولوا ماشاء الله جدتي صغيره بالسن تو تجيها الدوره وماانقطعت للحين وعندها خوالي تسعه ووالله العظيم ماااالها كرش ماشاء الله
بس عمتي مستحقره امي وخوالي بدرجه كبيره كيف تقارنها بنفسهاا وهي ماعندها الا ولد واحد وتبهذلت فيه وامي مشاء الله عيالها درزن مالين عليها حياتها؟؟؟:(
لان امي طيبه لابعد الحدود وهي عمتي اخت ابوي حرمه كبيره وامي ماتحب تجرحها
تخيلوا والله العظيم انها اذا زارتهم تجلس عندهم كم يوم حتى ان امي تدلك رجولها وظهرها وتمشط شعرها احيانا وتطبخ لها اكل اللي تبيه لحالها وتقوم معها كل يوم ماتنام الا لين تنام هي وتكرمها مره وتتعب نفسها عشانها<<بالعربي شغاله عندها قد شفتوا وحده تهتم باخت زوجها كذا حتى لوكانت كبيره؟؟
وعمتي طاااااحت فيها زودت الميانه شوي
اتصلت علي اختي يوم وقالت انها كانت عمتي جالسه مع امي وقالتلها شوفي يا ام فلان ترا فلانه بتجلس نفاسها في بيتها ومهي جايه عندكم وبس انتي ماراح تعرفين تاكلينها ولاراح تهتمي فيها على بالها امي بتقول مايخالف كالعاده
بس قالتلها لا ليش حبيبتي بنتي بتجلس عندي اهتم فيها وابجيب لها شغاله وكلش ولاخلصت ترجع بيت رجلها بالسلامه
قالت عمتي لا والله بتقعد مدري ايش وشافت امي مصره على رايها مو مثل دايم تقول طيب طيب...
قالت اجل ابجلس عندكم الاربعين كلها لين ترجع بيتها قالت امي ليه انتي النفاس ولا اهي؟؟ليش تجلسين ماله داعي
وولدك بالبيت لحاله اجلسي في بيتك عند ولدك ولا خلصت ترجع بيتها هذي سواة الحريم كلهم عادي؟؟..عمتي ماعجبها سكتت وباقي براسها كلام
لما رجعت البيت قالت لزوجي ترا ابقعد عندهم قالها لاوالله ماتقعدين مالك داعي هناك عندها امها تعتني فيها قامت تقول امها مهبوووله ورفلا وماتعرف خبله بتهملها وكل شي قالته في امي وقدامي<<ماقلت لكم مطيحه الميااانه
وانا سكت عشان زوجي عصب منها وهو ماقالها هالكلام بصوت عالي وهواش لالالا بالعكس بهدووء ويحاول يتفاهم معها
قالها انا ماني مخليك تروحين الله يرضى عليك اجلسي ببيتك امها تعرف احسن منك انتي وش عرفك بهالاشياء وخلي عنك هالموضوع
طبعا هالكلام كان وانا لسا بالخامس
وامس جت عمتي عندي(وهي للمعلوميه تدري ان كل ابوو العايله مايبغونها تقعد معي ببيت اهلي بالاربعين لا اهلي ولااخواني ولازوجي)تقول ترا لارحتي بيت اهلك ابروح اجلس عندك واشوف اذا كنتي حرمه كبيره وشاطره وشفت امك تعرف تهتم فيك زين ابقعد بس خمس طعشر يوم وارجع<<لاوالله شوي
يابنات والله العظيم انها عمتي غثييييييييثه وعجوله بالمره ولاتصلح تجلس عند احد مريض ابدا وشلون عند حرمه بنفاس تبي الراحه وتهتم بمولودها؟!!
يعني تربك الواحد مرره ولاتخليه يتصرف بنفسه تبغى هي تدبر كل شي وانها تعرف كل شي مع انها من جنبها خرطي وانا اعرفهااااا زييين يعني هي من النوع المهايطي شوفوني ياحريم انا اعرف وفلانه ماتعرف مثلا اذا اهي بعزيمه ببيت حتى لو بيت حرمه ماتعرفها زين ومسوين العشا ببيتهم تدخل عليهم المطبخ وتقوم تطلع الفناجيل والبيالات وتعطيهم الشغالات وتهاوشهم تقول ودوها بسرعه للضيوف بدون لاغسل ولاشي يعني يقالك سريعه وتروح تذوق الشاهي والقهوه هي زينه ولا لا وتفتح قدور العشا وتودي الاكل بصحون على كيفها وبدون ماتخليهم حتى يغسلونها يعني عالاقل ماتستحي من اهل البيت اذا كانوا طيبين معها ماتعطيهم وجه اما اذا تكلموا عليها وقالوا معليش اطلعي ارتاحي هذا موشغلك ياخاله تطلع شوي وترجع تراقب وتامر من بعيد لبعيد كله عشان يقولون ام فلان سنعه
انا كم مره يقولولي حريم تصرفي مع عمتك وخليها تطلع من مطبخنا اروح ادق على زوجي واقوله اتصل عليها قلها مشيينا الحريم يشتكون منها اتفشل مره ونستاذن ونعتذر من اهل العزيمه وصاروا يقولون الناس عن زوجي انه مايطلع اهله ولايجيبهم وانه بخيل وحابس زوجته عن الناس ولا يقولون عني فلانه ماتعرف الاصول تجلس ساعه وتطلع متكبره شايفه نفسها علينا ماتتعشى معنا ومدري ايش وهذا كله بسبة عمتي الله يهديهاااا
يعني بالله وش اسوي لها اذا جتني بالنفاس والله بتبهذلني وانا عارفه هالشي ما ابيها تقعد معي ابدا ابدا
معليش يومين ثلاثه فرحانه بحفيدها ماقلت شي لكن خمسة عشر يوم كثيره
ولا تجي تعلمني تقول ترا الحريم بنفاس ياكلون حلبه ويفطرون زين واكل حار ولاتمشي عالبلاط ومدري ايش
وان البزر تراه يربط بمهاد وترضعينه من صدرك<<لاوالله توني ادري:09:
ومن هالكلام يعني هي مررره تحسبني مثلها
اول ماتزوجت جاااااهله ماحولها احد وكانت تقول انا اول نفاسي يعطوني الحريم ادويه اعشاب ويقولون اكليها مع اكلك وهي تقول كنت اروح اطبخها مع الاكل<< يعني اني سنعه
يعني بالله هذي وش بتنفعني اذا جلست عندي غير القلق ؟؟
انا احب بنفاسي اني اجلس بين اهلي واخواني واخذ راحتي من البيت وهي تبي تجي تقلقني وكم مره قلتلها ياعمه مولازم تجين معي تقول وانا عاد علي منك ابجي غصبا عنك...:06:
تكفون وش اقولها وش اسوي حتى زوجي ماخذ احتياطاته منها يقولي انا مخطط ان شاء الله اول ماتكملين اسبوع من التاسع بنروح ناخذلنا شقه مفروشه لحالنا قريب من المستشفى قلت حلو عشان المستشفى بعيد وشوارعنا ماتساعد(الله يعز الحكومه)؟
قال لا عشان امي ماتقلقنا اناا ابي هالولد يجي بسلامه وتولدين بهدوء وبراحتك بدون ماتسويلنا ازعاااج بالمستشفى وحاله تربكنا عالفاضي قلت اوكي:oيعني هو اللي مايبيها تجي لانه تفشل مع عمي ومرته بولدها الاخير راحت تولد وعمي منصبه كبير بمستشفى حكومي ومعروف الحكوميه مايدخلون احد لغرفة الولاده بس هي قالتلهم امي بتجي دخلوها على طول ودقت الحرمه على امها(امها تصير جارتنا) قالت تعالي معي بيدخلونك وعمتي عرفت لانها كانت عندها قالت ابروح معكم وراحت وتقولي مرة عمي انها مره ازعجتني تبي تدخل وانا اولد واقول للممرضات بالانجليزي طلعوها من هذي وين امي؟تقول يقولون لي هذي امك تقولهم هذي ماهي امي وطلعوها بالغصب ومادخلوا احد عقبها اثاريها راحت وسبقت ام الحرمه لقسم الولاده وقالت للممرضات انا ام فلانه ودخلت !!!!!:o
تقول امي( الصدقيه):angry2: مادخلوها قالوا وشلون انتي امها وامها عندها داخل؟؟حتى الولد اول ماطلعوه من عندي عشان يعطونه لابوه يشوفه شالته هي وقعدت تلاعبه لين ما اخذوه الحضانه تقول حتى زوجي ماشاله ولا اذن باذنه لانهم طلعوه على طول
ياربي والله انها غثيثه الله يهديها ونشبه بزياااده يعني اللي يبي يرتاح هي ماتصلح تجلس عنده
ويعلم الله اني احبها واحترمها بدرجه كبيره لانها اخت ابوي الكبيره لكني احاول ابقى رسميه معها
ادري طولت بكلامي :eek:
لكن علموووني وش اسوي فيها؟؟
لان انا ماااااافي امل اخليها تجلس معي هالمده ابي ارتاح ببيت اهلي واهتم بنفسي وانا اعرف اهلي واخواني مراح يقصرون معي بيريحوني لاخر درجه وبيطيرون فيني للسما وهي بتتعبنيييييي
وش رايكم انا افكر اقول لزوجي اني بكون تعبانه لاتخليها تجي معي واذا جت تعال خذها...
وزوجي عارف امه اكثر مني انها تطفش الواحد تخليه على اعصابه وضغطه اتشش
انا مراح تعطيني وجه لانها شايفتني بزر مرررره ترا ماهمها رأيي لو اتكلم لين بكره ماينفع
ويمكن اذا قلتلها شي تزعل
انا عايدي اللي ابي اسويه ما اخليها تجي ولا غلط علي؟...
والله من كثر التفكير اختبصت عندي الدنيا
معليش كلامي مره طويل وملخبط
انصحوني وش اسوي...
warda 7mra @warda_7mra
عضوة جديدة
يلزم عليك تسجيل الدخول أولًا لكتابة تعليق.
كتكوتة محبوبه
•
لا هذا اللي ناقص تجي مع امك زياده الغثاء .................
والله رحمتها شكلها مريضة الله يشفيها الحمد لله الذي عافانا مما ابتلاها به
الحل الوحيد زوووووووووووووووووووجك يمنعها بالقوة
ابكي عنده وقولي له امك لاتطول عندي لانها بتتعب نفسيتي
ويمكن تجيك اكتئاب الولادة خوفي زوجك وبس
بس والله مسكينه عمتك؟؟؟؟؟الله يكون بعون الجميع انتي وزوجك وامك وعمتك بعد
الحل الوحيد زوووووووووووووووووووجك يمنعها بالقوة
ابكي عنده وقولي له امك لاتطول عندي لانها بتتعب نفسيتي
ويمكن تجيك اكتئاب الولادة خوفي زوجك وبس
بس والله مسكينه عمتك؟؟؟؟؟الله يكون بعون الجميع انتي وزوجك وامك وعمتك بعد
ليلوسا
•
الله ييسر امرك خلي ولدها يتفاهم معها وانتي اسكتي لا تحاكينها
والحمد لله انه عارف حالتها ومقدرك الله يكون بعونك
والحمد لله انه عارف حالتها ومقدرك الله يكون بعونك
الصفحة الأخيرة