شوفي حبيبتي انا كنت متعوده على النظافه الدائمه لما كنا مستأجرين كانت الشقه صغيره وما اتعب فيها
لكن لما ربي له الحمد والشكر رزقنا ببيت ملك صرت بالضبط زيك وعندي نفس طموحاتك في الترتيب الدائم والنظافه وسويت زي ما قالوا البنات
سويت جدول يومي واسبوعي وشهري وبصراحه تمكنت من تطبيقه وكان البيت دايما يلق والحمد لله

لكن..........


كله طلع من ظهري
اهملت نفسي وزوجي واولادي
صار كل وقتي احوس بهالبيت وان كلمني احد من عيالي وانا اشتغل ياويله <<<العصبيه دائمه
زوجي كان يدخل وانا توني ابدا في نفسي بعد البيت والطبخ والعيال وصارت نفسيتي زي الزفت لأنه كان يشوفني دايما او -على الاقل غالبا-كاشخه وفاضيه له
اولادي و الله العظيم ما عاد لي وقت ألعب معاهم ولا اعلمهم ولا اقرأ لهم زي اول <<<< ياااااادوب انظفهم وأاكلهم

الطلعات نااااادره والليالي الرومانسيه في البيباي

وفي النهااااااااااايه استسلمت للأمر الواقع وعرفت ان مالي غير ذيك الحرمه الغريبه اللي ما اعرف خيرها من شرها ولا ادري كيف حياتي بتكون معاها <<<<<<<<<<<<< الشغااااااله

قدمت على شغاله لأنها الحل الوحيد لمعاناتي
ويارب يعطيني خيرها ويكفيني شرها

هذي تجربتي <<<<<<<<<<<< ادري حطمتك لكن هذا اللي صار لي
وان شاء الله تطلعين اقوى مني وتقدرين تديرين حياتك احسن مني

ماقصرتوا يكفي ردودكم اللي تخلي الواحديلقى من يفظفظ له الله لايحرمني منكم يالغاليات ويعينا على هالدنيا يارب