مشكلتي بين ايديكم وابي حل قبل مااضيع زوجي من بين يديني

بنات انا مهموووومه مرررررره وخربت على نفسي بحركاتي بس وش اسوي الغيره ذبحتني مو قادره اتحكم بتصرفاتي
بقولكم اول شي نبذه عن زوجي
عمره 30 سنه وانا 21
ملتزم طيب وحنوووووووون ومشاكلنا ناااااااااااااااااااادره ولله الحمد متفاهمين لابعد حد وماعمره خبى عني اي شي سوالفه هو وربعه عندي جواله مفتوح لي دايم اي شي يشوفه يجي يقولي عنه اذا كلمه احد من اخوياه وسكر منه قام يتكلم لي عنه هذا من ال فلان وفيه كذا وفيه كذا لدرجه صرت اعرف كل زملاءه بس انا اللي خربت على نفسي اه بس

المهم فيه طالب عنده ابوه مشدد عليه شوي ويخاف عليه من كل شي وزوجي انكسر خاطره عليه ورحمه بقوووه وقال اعتبرني زي اخوك اي شي تبيه قولي واعطاه رقمه
الغثيث اللي مايتسمى غثنا كل شوي مرسل لزوجي رسايل والله ترفع الضغط ( تصبح على خير حبي .. احبك اموووواح .. شوفتك تشفي غليلي .. وانت الروح اللي احيا بها ) تبون الصدق غطا علي بهالكلام صحيح ارسل لزوجي بس ذا والله كل دقيقه والثانيه مرسل وصارت هوشه بيننا علشان هالموضوع هو يقول وش تبيني اقول له هو طبعه كذا مع الكل وش اقوله وانا لو اني بيني وبينه شي كان ماجيت وريتك مسجاته وماكان اصلا قلت لك عنه انا مو غبي لهالدرجه لو بغيت العب لعبت ثانيا انا لو اكتشتف انه ...... (يقصد له حركات مع اولاد ) والله مااكلمه ولا اعطيه وجه لانه بيصير فضيحه لي ( زوجي معروف بين الناس بمنصبه واخلاقه) ..

وتهاوشنا هوشه كبيره قلت له لاعاد تعطيه وجه علشان مايتمادى وزوجي الذكي راح ارسله ارجوك لاعاد ترسل مثل هالكلام زوجتي زعلت وصارت بيننا مشكله تبيني دق علي بلا كلام فاضي

وارتحت فتره منه
الحين سوو له ايميل و23 ساعه يرسل لزوجي عليه ودايم متصل ويرسل له كلام حلو وينك اشتقت لك وين الغيبه

مقهورررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررره يابنات
انا واثقه من زوجي مليون بالميه بس اللي قهرني اني يوم فاتحته بالموضوع انقهر وعصب قال انتي تبين تتحكمين بعلاقاتي مع الناس انا فاهم وعارف وش اسوي مو انتي اللي تعلميني وسكر جواله برقم سري وسكر اللاب حقه وقلت له ليش تسكره قال علشان نفتك من المشاكل وترتاحين شوي من هالغيره اللي فيك طبعا بالصدفه عرفت الباسوورد حق اللاب وحق الجوال كمان لقطتهم وهو مايدري وللحين مايدري




باختصاااااااااااااااااااااااار
انا من يوم دخل هالانسان حياه زوجي وانا مو علي بعضي اغار عليه غيره مو طبيعيه ويقهرني كلامه مع اني متاكده من زوجي بس مدري وش فيني
انا ماابي اخسره ويصير يخبي عني كل شي لانه قالي قال مشكلتي اصارحك بكل شي والحرمه مو زي الرجال ماتتحمل كل شي وهذي غلطتي بس ماراح اكررها ابيه يرجع زي اول بس مااعرف
محتاجه مشورتكم بدون هوااااااش ارجوكم لان والله العظيم حالتي حاله وصرت بس ابكي هالايام

تعديل .. انا وزوجي بيننا ثقه متبادله وقلت له قلت انا واثقه فيك انك ماراح تسوي شي غلط وانا ماقلت شي فيك انت بس هو اللي رافع ضغطي بهالحركات .. وزوجي عارف وقد قالي مره ان حتى هو يتضايق من كلامه ولايبيه يرسل له زي هالكلام بس يقول هذا طبعه مع كل الناس وش اسوي بو طبيع مايجوز عن طبعه